Dashi
Yjet ju rekomandojnë që gjatë kësaj jave të mos nguteni e të mos ecni me ritme të shpejta, sepse nuk është ky momenti i përshtatshëm për të vepruar. Venusi do të largohet nga shenja juaj dhe për rrjedhojë do t’ju duhet të bëni kujdes në aspektin e ndjenjave dhe në financat tuaja. Me largimin e Uranit nga shenja juaj ditën e enjte vështirë se do të ndodhin ndryshime. Të premten, falë ndikimit të Jupiterit, njerëzit e afërt do të bëhen dyshues nda jush, prandaj këshillohet të bëni kujdes në mënyrë që të mos gaboni.
Demi
Personat pranë jush gjatë kësaj periudhe do të jenë disi të paduruar dhe s’do të mund ta përmbajnë entuziazmin. Por ju, falë dhe kalimit të Venusit në shenjën e Gaforres, do të parapëlqeni t’i merrni gjërat shtruar e të jeni tolerantë. Jeni të vetëdijshëm se gjatë këtij sezoni është më mirë që të veproni me qetësi. Mos ua vini veshin atyre që ju bëjnë t’ju lindë ndjenja e dyshimit, por mos u shqetësoni sepse kjo nuk ju prish asnjë punë.
Binjakët
Venusi, planeti që gjatë kësaj periudhe ju ka dhuruar disa javë të mbushura me gjallëri, do të largohet nga shenja juaj. Për rrjedhojë, të lindurit e shenjës së Binjakëve do të jenë gjatë këtij sezoni vere disi më racionalë dhe do të tregojnë kujdes për veprimtaritë praktike. Këshillohet që t’i shtyni për më vonë planet për të ardhmen. Bëni kujdes të premten nga një person pranë jush dhe mundohuni që prania e tij të mos ju prishë fundjavën.
Gaforrja
Prania e Venusit në shenjën tuaj do të jetë dhurata për ju gjatë këtij sezoni vere, sepse ëmbëlsia dhe harmonia e tij do t’ju shoqërojë deri në fund të gushtit. Si pasojë e ndikimit të tij, këto do të jenë javë për t’u mbajtur mend, të mbushura me ndjenja dhe emocione. Falë ndikimit të Uranit do të bënit mirë që planet për ndryshim t’i shtynit për më vonë. Në fundjavë mund të hasni disa vështirësi për sa u përket raporteve tuaja më të rëndësishme.
Luani
Të fortë, luftarakë e të guximshëm. Kështu ju bën të ndiheni prania e Marsit dhe e Diellit gjatë kësaj periudhe dhe vështirë se mund t’ju refuzosh ju. Por gjithçka e ka një limit dhe këtë nuk duhet ta harroni. Si pasojë e largimit të Uranit nga shenja juaj, do t’ju duhet t’i shtyni për më vonë idetë dhe iniciativat. Përpiquni të tregoheni të matur në mënyrë që të ndryshoni diçka dhe kësisoj të mund të zgjidhni shumë probleme.
Virgjëresha
Falë zhvendosjes së Venusit, i cili nuk është më armik i shenjës së Virgjëreshës, të lindurit e kësaj shenje do të përjetojnë një moment qetësie, do të tregohen të matur me shpenzimet dhe veprimtaritë praktike. Gjithashtu s’do t’ju mungojë dëshira për të udhëtuar. Me pak fjalë, java do të fillojë në mënyrë të shkëlqyer edhe me praninë e Mërkurit në shenjën tuaj. Bëni kujdes në fundjavë, sepse falë bashkëveprimit të Jupiterit e Plutonit mund të jeni më dyshues dhe s’do të mund ta shijoni atë.
Peshorja
Gjatë kësaj jave do t’ju duhet të tregoni të gjithë kujdesin e mundshëm. Të hënën, falë ndikimit të Venusit, mund t’ju duhet të përqendroheni në veprimtaritë praktike, në çështjet profesionale e në gjërat materiale. Megjithëse kjo, të paktën në teori, është periudha e pushimeve. Falë ndikimit të Uranit do t’ju duhet që vendimet që kanë të bëjnë me lidhjen në çift t’i shtyni për më vonë. Falë pozicionimit të Jupiterit e Plutonit do ta keni të vështirë të tregoheni optimistë.
Akrepi
Më në fund do të filloni të arsyetoni e të veproni sipas mënyrës tuaj. Marsi ju imponon një stil jetese intensive, por tani mundësia që të kënaqeni është më e madhe. Duke filluar nga dita e hënë Venusi do të jetë mik i të lindurve të shenjës së Akrepit dhe falë kësaj do të keni sukses në aspektin e ndjenjave gjatë gjithë muajit gusht. Do të përjetoni gjëra të bukura në udhëtimet që do të bëni, por edhe do të ndieni praninë e energjive të çuditshme që s’kanë lidhje me ju. Mjafton që të mos lejoni të prekeni prej tyre.
Shigjetari
Gjëja pozitive e kësaj jave do të jetë aftësia juaj e gjetur rishtazi për të komunikuar në mënyrë delikate e diplomatike, pa e tepruar dhe pa u treguar agresivë. Kjo është një cilësi shumë e çmuar, sidomos gjatë stinës së verës. Diçka më pak pozitive do të jetë tërheqja e Uranit, planetit mik të shenjës tuaj. Kjo do t’i hapë udhën një periudhe reflektimi. Në fundjavë do të keni dyshime të pabaza dhe do të jeni pesimistë. Përpiquni ta shmangni këtë.
Bricjapi
Mos u dorëzoni gjatë kësaj jave, sepse mund të kërkohet prej jush që të ruani qetësinë edhe kur të ndodheni përballë situatave kaotike dhe mund të hyni në polemika të ashpra. Duke filluar nga dita e hënë, falë ndikimit të Venusit, nuk do të ndiheni të qetë dhe do ta keni të vështirë të shkëputeni prej angazhimeve tuaja dhe të shijoni në paqe verën. Nga mesi i javës, Urani mund të ndikojë që të jeni më pak të vendosur e të sigurt në vetvete. Bëni kujdes në fundjavë kur të flisni për të ardhmen, sepse do të ndieni një pesimizëm të pashpjegueshëm.
Ujori
Gjatë kësaj periudhe, falë largimit të Venusit nga shenja juaj, gjërat do të vijnë duke u vështirësuar dhe argëtimi do të jetë më i paktë. Prania e Uranit në shenjën tuaj do t’ju bëjë të jeni disi dyshues duke filluar që nga dita e enjte. Prandaj ju këshillohet që të tregoheni të matur e të mos e ekzagjeroni me gjërat e pazakonta. Ju duhet të mësoni që sezoni veror nuk duhet marrë gjithmonë lehtë dhe nuk duhet që të përdorni në gjithçka ironinë.
Peshqit
Ndonjëherë sjellja juaj është vërtet paradoksale, por juve ju pëlqen kështu. Duke filluar nga dita e hënë, Venusi do të jetë mik i shenjës , duke ju bërë që të ndieni kënaqësi në aspektin e ndjenjave. Por ju, kushedi se për ç’arsye, s’do t’ju mjaftojë kjo, prandaj në fundjavë do t’i shikoni gjërat me dyshim. Kjo do të krijojë energji negative dhe vështirësi në raportet në çift. Bëni të pamundurën që kjo të mos ndodhë, në mënyrë që personat pranë jush të mos preken nga humori juaj i keq.
