Dashi
Edhe planetët, ose të paktën ata më pranë shenjës tuaj, duket se do të bëjnë një pauzë në këtë prag “Halloween”-i. Kush nuk gjen rehat është një person i dashur për ju, që duket sikur është në hall për diçka. Për këtë arsye shpesh do t’ju duhet të parashikoni dhe të parandaloni veprimet e tij apo të saj, në mënyrë që të mos nevrikoseni. Të shtunën do t’ju duhet të merrni një vendim në lidhje me një shpenzim apo investim. Për fat Mërkuri, planeti që favorizon marrëveshjet e tregtisë, do t’ju ndihmojë.
Demi
Nëse gjysma e parë e javës do të kalojë pa u ndier, ndoshta për t’ju lënë që të shijoni momentin e festës, duke filluar nga dita e enjte yjet dhe planetët do të vihen në lëvizje. Të premten do të ndiheni veçanërisht energjikë, kurse të shtunën do të jetë dita e përshtatshme për të bërë ndryshime. Hëna e plotë, që do të ndriçojë në shenjën tuaj, do t’ju lejojë të jeni protagonistë të momentit. Të dielën, zhvendosja e Mërkurit do t’ju ndihmojë të bini në paqe.
Binjakët
Doni një këshillë prej yjeve? Së shpejti Mërkuri do të largohet nga shenja juaj, prandaj kjo mund të interpretohet si një thirrje e fundit për të vepruar shpejt, për të ndërmarrë iniciativa dhe për të pasur sa më shumë ide. Me Venusin në shenjën tuaj provoni të argëtoheni më shumë dhe të sfidoni forcat që duket se ju pengojnë. Të premten përpiquni të shmangni situatat gjatë të cilave duhet të jeni të kthjellët dhe të tregoheni të kujdesshëm, sepse falë ndikimit të Neptunit mund të jeni mjaft spontanë.
Gaforrja
Venusi do të ndikojë që ju të jeni vigjilentë dhe të punoni me pasion. Por pas fasadës ku ju shfaqeni të fortë e të vendosur, fshihet një gjendje emocionale e brishtë dhe humor i paqëndrueshëm. Të premten, atëherë kur dashuria do të vijë mbi gjithçka, do t’ju përkushtoheni shumë të tjerëve. Në fundjavë, falë pranisë së Uranit në shenjën tuaj, do të jeni disi më spontanë e të pavarur dhe për këtë mund të mos ju kuptojnë. Të dielën tregoni kujdes për pamjen tuaj në mënyrë që t’u përshtateni situatave.
Luani
Ka momente kur doni të qetësoheni dhe të mos merreni me asgjë. Një gjendje të tillë mund ta përjetoni gjatë kësaj jave, sidomos të premten kur me siguri do t’jua delegoni të tjerëve detyrat për të cilat zakonisht angazhoheshit vetë. Gjendja e apatisë do të vazhdojë dhe të shtunën, edhe pse Hëna e plotë do të ndriçojë në shenjën tuaj. Kurse të dielën, falë ndikimit të Mërkurit, do të përqendroheni te gjërat vërtet të rëndësishme.
Virgjëresha
Gjatë kësaj jave do të mbretërojë qetësia dhe më pas të premten do të rimerrni aktivitetet tuaja. Pranojini sfidat e vogla kozmike për të cilat duhet të tregoheni të logjikshëm , të fortë dhe të punoni me pasion. Veproni në mënyrë intriguese, duke i bërë të tjerët të interesohen për ju dhe flisni për gjëra që tërheqin vëmendjen. Kaq do të mjaftojë për të kaluar një javë të këndshme dhe për të përballuar dyshimet që ju vijnë si pasojë e ndikimit të Mërkurit.
Peshorja
Marsi dhe Venusi vazhdojnë të qëndrojnë në shenjën e Peshores duke ndikuar pozitivisht në ndjenjat dhe emocionet e momentit. Por pikërisht ngaqë duket se po përjetoni një moment plot siguri në vete, do të keni bindjen se mund të bëni naze, sidomos në fundjavë kur nën ndikimin e Saturnit do të tregoheni kokëfortë. Kurse falë ndikimit të Uranit do të filloni të dyshoni për bindjet tuaja. Përpiquni që të jeni sa më të logjikshëm këto ditë dhe të tregoni respekt karshi të tjerëve.
Akrepi
Jupiteri, Dielli e Mërkuri do të jenë planetët që do të ndikojnë në shenjën tuaj gjatë kësaj jave, duke ju bërë që të ndiheni të mbrojtur. Kështu do të mund të duroni pa problem luhatjet e humorit të partnerit dhe të personave pranë jush. Kjo s’do të përbëjë shqetësim për ju, sepse në fund të fundit jeni ju që i merrni vendimet. Të premten, falë ndikimit të Neptunit, do t’ju bjerë disi entuziazmi, kurse të shtunën me largimin e Hënës së plotë nga shenja juaj do të qartësoheni për diçka që nuk e kuptonit edhe aq mirë. Të dielën, Mërkuri do të largohet nga shenja juaj dhe do të përjetoni një moment paqartësie.
Shigjetari
Ndonjëherë javët kalojnë në heshtje dhe pikërisht në fund, kur mendojmë se çdo gjë ka mbaruar, ndodh ndonjë gjë e veçantë. Nuk do të ndodhë asgjë e re gjatë këtyre ditëve dhe vetëm shoqëria e miqve do ta bëjë interesant këtë moment. Mërkuri do të kalojë në shenjën tuaj në fundjavë dhe do të qëndrojë gjatë aty, deri në janar. Prania e këtij planeti do të ndikojë edhe në marrëdhëniet tuaja, edhe në çështjet e punës, por kjo ka për t’ju pëlqyer, sepse në fund do të jeni ju ata që do të vendosni.
Bricjapi
Në ditët në vazhdim ju të lindurit e kësaj shenje do të shfaqni aftësi për të përballuar të tashmen, sidomos për sa u takon veprimtarive praktike dhe aspektit profesional. Fati do t’ju prijë, sepse ju përqendroheni në gjërat pozitive, duke i anashkaluar streset që mund të helmojnë dhe raportet më të bukura dhe të ndikojnë për keq në kënaqjen e ambicieve tuaja. Të premten do të arrini rezultate të shkëlqyera dhe do të korrni sukses. Të shtunën, falë ndikimit të Hënës, do të përjetoni emocione pozitive. Jeni të gatshëm që të kaloni një javë të bukur?
Ujori
Për të kaluar një javë sa më të qetë, nuk duhet të bëni gjë tjetër veçse të ruani ekuilibrat mes jetës tuaj private dhe asaj publike, edhe pse kjo nuk është aspak e lehtë. Dielli e Mërkuri mund t’ju sfidojnë që të tregoheni finokë, por ju gjithsesi e keni mundësinë që të jeni disi më të tërhequr e të merreni me gjërat tuaja personale por edhe që të keni raporte të mira me personat pranë jush. Të dielën Mërkuri do të ndikojë që të përjetoni situata të bukura. Me pak fjalë, gjatë kësaj jave do të jeni të preferuarit e qiellit.
Peshqit
Humori juaj i mirë, që vjen edhe prej ndikimit pozitiv të planetëve, do të prekë dhe personat pranë jush. Neptuni do të ushtrojë gjithë ndikimin e vet, duke jua bërë fundjavën të bukur. Megjithatë, nuk duhet të humbisni kurrë nga sytë gjërat e rëndësishme, sidomos të premten. Të shtunën Hëna do të ndikojë pozitivisht në marrëdhëniet tuaja me të tjerët. Të dielën Mërkuri do të kalojë në shenjën tuaj dhe do t’i kushtoni rëndësi ndjenjave.
