Dashi
Ju nuk shquheni për durim apo diplomaci dhe në ditët në vazhdim do ta demonstroni konkretisht këtë, sepse pavarësisht përpjekjeve tuaja që i keni shfaqur në njëmijë mënyra, dikush do të vazhdojë të ushqejë dyshime dhe do të heqë dorë nga disa gjëra. Ju s’do të pajtoheni me këtë dhe do të ndiheni të lodhur. Për pasojë, të lindurit e kësaj shenje do të jenë në kërkim të horizonteve të reja, larg normalitetit. Të enjten Saturni do t’ju bëhet pengesë për realizimin e një projekti që e keni për zemër. Mos u mërzitni, por përpiquni të përshtateni me vonesat që do të hasni. Të dielën mundohuni të gjeni qetësinë.
Demi
Ju jeni në kërkim të stimujve dhe garancive të reja, po i shmangeni të tashmes, e cila s’ju bind më. Por duhet të përballeni me ata që, ndryshe nga ju, duket se kanë dëshirë të angazhohen e të bëjnë gjithçka me pasion, duke nxjerrë kështu akoma më në pah mënyrën tuaj të ngadaltë të të vepruarit. Të enjten, nën ndikimin e Saturnit, ju do të ndieni dyshime përsa i takon të ardhmes. Do të jeni të detyruar që nën ndikimin e Plutonit të shqyrtoni disa situata dhe të merreni me disa persona. Si t’ia bëni? Ulini ritmet të shtunën, atëherë kur gjithçka duket se bie në qetësi. Duhet të reflektoni e të bëni zgjedhjet e duhura për të ardhmen tuaj.
Binjakët
Gjatë kësaj jave do të tregoni maksimumin e kujdesit, duke hequr dorë dhe nga stili juaj i të bërit të gjërave shpejt. Merrni kohën e duhur e mendohuni për atë që po bëni. Venusi këtë javë do të paraqesë një sfidë për mënyrën tuaj të të vepruarit. Kurse, duke filluar nga e premtja, si pasojë e ndikimit të Jupiterit do të përballeni me situata të vështira e me njerëz të paaftë që të entuziazmohen për realitetin që i rrethon. Të dielën, Mërkuri, mik i shenjës tuaj, këshillon që të veproni me kujdes dhe t’i merrni gjërat me qetësi. Tregohuni të vëmendshëm dhe mos i sfidoni shumë yjet.
Gaforrja
Ju i përkisni një shenje që e pëlqen qetësinë, sepse ashtu gjeni të gjithë kohën e nevojshme për të kultivuar emocionet, që të kujdeseni për veten dhe për të rimarrë energjitë. Kështu, ritmi i ngadaltë që do t’i karakterizojë këto ditë duket se nuk përbën ndonjë problem për ju. Pas një fillim jave ku do të mbizotërojë nostalgjia, duke filluar nga e enjtja, duhet të përballeni me persona që shpesh druhen të veprojnë dhe që nuk dinë ta përjetojnë në maksimum të tashmen, prandaj do të jetë e nevojshme që t’u përshtateni. Por në fundjavë, dyshimet e tyre mund të shtohen dhe ju kjo gjë mund t’ju rëndojë, duke jua bërë ditët më pak të këndshme. Është e detyrueshme që të qetësoheni.
Luani
Ky fillim jave do të karakterizohet nga heshtja dhe qetësia, ndoshta më shumë se ç’duhet. Këtu mund të gjejë vend shprehja që pas qetësisë fillon stuhia. Duke filluar nga dita e enjte, Saturni do të ndikojë që të përjetoni një periudhë të vështirë dhe do të përballeni me persona që kanë vështirësi komunikimi. Kjo mund të bëjë që t’ju bjerë entuziazmi dhe të kërkoni motivime të reja si dhe të mos ndiqni shembullin e të tjerëve. Do të jetë e kotë t’u propozoni personave pranë jush ide dhe projekte në fundjavë, për arsyen e thjeshtë se ata shpresojnë për gjëra të tjera ndryshe nga ju. Mos u ndieni keq për këtë arsye.
Virgjëresha
Yjet duket se do t’jua ndërlikojnë situatën këtë javë, duke ju bërë të ndiheni disi të pavendosur. Nën ndikimin e Venusit do të përballeni sërish me një problem që mendonit se e kishit zgjidhur. Por për fat, falë ndikimit të Marsit nuk do t’ju mungojë as energjia dhe as entuziazmi për t’i shkuar deri në fund çështjeve që kanë nevojë për mbikëqyrjen tuaj. Mos i kushtoni shumë rëndësi lodhjes ditën e premte dhe pesimizmit që do të shfaqë dikush. Kështu, nuk do t’i prishni punë vetes në fundjavë. Harrojini problemet ditën e shtunë, sepse të dielën Mërkuri do t’ju detyrojë t’i ulni ritmet.
Peshorja
Në këtë klimë pasigurish dhe dyshimesh të forta, ju, falë aftësive tuaja të pagabueshme për të vendosur ekuilibrin dhe rregullin, do të dini të bëni diçka të mirë dhe interesante. Ndërkohë, nën ndikimin e Venusit, s’do të mendoni më për të tjerët dhe s’do të kushtëzoheni nga zgjedhjet e tyre. Kështu, kur të enjten dikush do të shfaqë entuziazëm, ju do ta keni të lehtë t’i përgjigjeni. Do të mjaftojë që për pak kohë të mos mendoni shumë për rregullat dhe kufizimet dhe të jeni më të hapur ndaj gjërave. Bëjeni këtë sidomos ditën e shtunë kur mungesa e bashkëveprimit mes Venusit dhe Saturnit do t’ju detyrojë që për njëfarë kohe të mos u kushtoni shumë rëndësi skemave. Rroftë liria!
Akrepi
Çuditërisht gjatë kësaj jave, që për të gjitha shenjat do të jetë problematike, ju do të dini të jepni më të mirën nga vetja. Sepse dihet, të lindurit e shenjës së akrepit japin maksimumin e tyre pikërisht kur janë në vështirësi. Dhe në ditët në vazhdim do ta shfaqni këtë. Të hënën do të keni përkrahjen e Venusit, duke jua lehtësuar kështu raportet. Të enjten, megjithëse Saturni do të ndikojë negativisht në shenjën tuaj, ju do të shfaqni një forcë unike dhe speciale dhe do të dini t’u shmangeni rregullave të panevojshme. Megjithatë, jo të gjithë do të dinë ta ndjekin këtë shembull. Në fundjavë do të dini të jetoni të lirë.
Shigjetari
Në ditët në vazhdim, ndoshta si pasojë e ndikimit të yjeve, apo ndoshta thjesht si pasojë e realitetit që po përjetoni, duket se ngjarjet nuk do të kenë zhvillime të reja. Të hënën, nën ndikimin e Venusit, do të ndiheni disi të plogësht dhe do të keni dëshirë të përqendroheni vetëm në gjërat më intime, personale dhe delikate. Nuk ka ardhur ende momenti për të zgjidhur disa çështje që kanë mbetur pezull. Ndoshta si pasojë e kësaj do të ndiheni pesimistë dhe mund t’ju bjerë entuziazmi, sidomos në fundjavë. Provoni që të dielën t’i përjetoni raportet tuaja me lehtësi, pa bërë shumë pyetje dhe pa pretenduar të pamundurën.
Bricjapi
Të lindurit e kësaj shenje i zbatojnë udhëzimet me përpikëri. Për këtë arsye do të dini t’i respektoni pauzat dhe do ta kuptoni se shërbejnë për të përmirësuar rezultatet. Gjatë ditëve në vazhdim, Saturni do të fillojë tërheqjen nga shenja juaj, dhe kjo do të vazhdojë deri në verë. Pikërisht për këtë arsye ju rekomandohet të bëni një pauzë dhe të mos kërkoni rezultate dhe të keni si objektiv gjëra që për momentin është e vështirë të konkretizohen. Vazhdoni kështu për njëfarë kohe, edhe kur Marsi, aleat i kësaj shenje, do të bëjë që në zemrën tuaj të ndizet pasioni. Për momentin, kushtojani këtë energji diçkaje të lehtë e argëtuese. Të shtunën, mos mendoni shumë për aspektin profesional.
Ujori
Të lindurit e kësaj shenje janë të aftë që të përballojnë çdo lloj situate, falë lirshmërisë së natyrshme që i karakterizon dhe faktit që nuk përfshihen në situata të ndryshme më shumë seç duhet. Kështu, megjithëse nën ndikimin e yjeve ju do të ndiheni dyshues, do të jeni në gjendje të krijoni distancë që të mos përfshiheni nga pasiguria. Të enjten, Saturni do të tërhiqet nga shenja juaj, duke ju bërë të ndiheni disi konfuzë dhe do të ndieni nevojën që t’i shtyni për më vonë zgjedhjet dhe vendimet e rëndësishme. Të premten, personi juaj i zemrës do të ndiejë shqetësim për një situatë që nuk po zgjidhet, por ju do t’i përgjigjeni me qetësinë e duhur. Kjo ka për të funksionuar.
Peshqit
Mos pyesni për praninë e Venusit në shenjën tuaj, por shijojeni energjinë që ju dhuron ai, që ju pëlqen dhe që ju bën të ndiheni më të fortë e të kënaqur. Do ta filloni kështu javën e re plot entuziazëm dhe të gatshëm për të jetuar të tashmen. Megjithatë, mos krijoni shumë iluzione, sepse duke filluar nga dita e enjte, Saturni do të mbjellë te ju dyshime përsa i takon aspektit profesional dhe çështjeve praktike. Do ta përjetoni këtë lloj gjendje për njëfarë kohe dhe duhet të reagoni me optimizëm. Të premten do të jeni më pak energjikë dhe do të ndieni lodhje mendore, prandaj mundohuni që fundjavën ta kaloni në qetësi.
