Dashi
Nëse nuk ju mungon energjia, sigurisht që s’do t’ju ndihmojnë as idetë dhe mendimet. Besojini Mërkurit, planetit inteligjent, i cili do t’ju ndihmojë që projektet t’i bëni realitet. Bëjeni këtë gjë sidomos të mërkurën kur do të dini të lini mënjanë pasionet e kota dhe të rrezikshme për t’iu kushtuar vetëm gjërave që kanë kuptim, që janë të destinuara të zgjasin dhe që t’ju japin rezultate konkrete dhe interesante. Të enjten kapaciteti juaj mendor do të jetë në maksimum duke ju transformuar në revolucionarë të mendimit. Ky është momenti për të vënë në praktikë idetë tuaja. Do t’ju duhet ta bëni gjithçka vetë, sepse yjet nuk do të jenë shumë bashkëpunues.
Demi
Kjo duket një javë e qetë dhe e heshtur për shenjën që e vlerëson qetësinë. Gjërat do të ndodhin në heshtje, pa rënë shumë në sy. Të mërkurën do t’ju vlerësojnë veçanërisht për cilësitë tuaja profesionale. Kjo do të ndodhë vetvetiu pa asnjë sforcim apo angazhim. Të enjten do të provoni të ndryshoni diçka që do t’ju ndihmojë të shprehni më mirë veten, ambiciet dhe objektivat tuaja. Përpiquni që të hënën të mos ia vini veshin hënës që kërcënon t’ju bëjë ta filloni javën me humor të keq. Do të shikoni që pasdite humori juaj do të përmirësohet.
Binjakët
Ashtu siç ndodh shpesh për të lindurit e kësaj shenje, kjo do të jetë një javë aktive nën ndikimin e Mërkurit që ju nxit të bëni njëmijë gjëra. Binjakët do të tregohen hiperaktivë, të ndjeshëm dhe asnjëherë shumë optimistë të mërkurën. Ata do të bëhen shumë të çmuar dhe pothuajse të pazëvendësueshëm për personat që punojnë pranë tyre. Të enjten do të tregoheni paksa jotolerantë kur Urani do t’ju japë ndjesinë se po i bëni gjërat ngadalë, por ky ka për të qenë vetëm një iluzion i vogël i yjeve. Ditët e fundit të javës do të jenë më të qeta, do të gëzoni një qetësi që do t’ju ndihmojë të përqendroheni në të tashmen.
Gaforrja
Do të përfshiheni nga energjia, mendimet dhe idetë, nga nevoja për të kuptuar dhe analizuar njerëzit dhe situatat për të përballuar të tashmen. Java do të fillojë në mënyrë intensive dhe plot pasion falë hënës mike, një ndjesi që shumë shpejt do ta zëvendësoni me dëshirën për t’u ndjerë më intelektualë. Të premten, ndikimi negativ i hënës do t’ju bëjë që të interesoheni më shumë për të tjerët, do t’u kushtoni vëmendje dhe energji atyre që keni për zemër, atyre që ndajnë me ju gjithçka. Por mos ndani me të tjerët pasionet tuaja.
Luani
Dielli dhe Mërkuri do të ndikojnë pozitivisht në shenjën tuaj duke ju bërë të ndiheni më energjikë. Këtë entuziazëm tuajin do ta vini në shërbim të zgjidhjeve, mendimeve dhe gjërave praktike e materiale që në ditët në vazhdim nuk do të kenë rol kryesor. Do të dini të lini mënjanë komplekset e vogla të superioritetit (të supozuara apo reale) për të bashkëpunuar plotësisht me personat që keni pranë, por do ta bëni këtë si të barabartë. Të enjten do të doni të merrni një vendim që do të përmirësojë raportin tuaj me financat. Do të varet krejtësisht prej jush se si do të ndiheni këtë javë.
Virgjëresha
Ndërkohë që do të përpiqeni të ndihmoni njerëzit që kanë nevojë për ndihmën tuaj, do të përballeni me ndikimin e Mërkurit, i cili me siguri do t’i bëjë më cilësore ditët në vazhdim. Planeti Mërkur do t’ju ndihmojë të rigjeni ekuilibrin dhe t’i merrni gjërat lehtësisht sidomos ditën e mërkurë, atëherë kur do të jeni në gjendje të lini mënjanë pasionet e panevojshme (dhe ndoshta të dëmshme) që t’i përkushtoheni vetëm gjërave të rëndësishme. Të dielën mund të ndiheni të paduruar, por do të dini t’i përmbani emocionet dhe impulset që s’mund t’i shprehni lirshëm. Yjet do t’ju ndihmojnë ta mbyllni javën me sukses.
Peshorja
Ndikimi i qiellit nuk do të jetë shumë i madh për të lindurit e kësaj shenje dhe jo vetëm për ata. Sfida e vërtetë do të jetë në raportin tuaj me Mërkurin, planetin e ideve, që tani ndikon negativisht në shenjën tuaj dhe që do t’ju detyrojë të përballeni me energjitë e tij. Andej nga gjysma e javës do t’u impononi rregullin dhe disiplinën njerëzve që keni pranë, atëherë kur do të jeni në gjendje të njihni dhe të izoloni dyshimet ose pasionet e gabuara dhe që të përqendroheni vetëm te gjërat e rëndësishme. Të enjten, nën ndikimin e Mërkurit, të lindurit e shenjës së peshores do të dinë t’i shfrytëzojnë të gjitha mundësitë.
Akrepi
Keni vendosur që jeta duhet jetuar edhe duke u argëtuar, duke u shpërqendruar nga gjërat shumë të rëndësishme dhe të lodhshme dhe t’i lejoni vetes të ndiheni më të lehtësuar. Një mësim i vogël që Venusi dhe Neptuni, planetë të fortë dhe në raporte të mira me shenjën tuaj, do të vazhdojnë ta riafirmojnë. Do të bëni mirë që në ditët në vazhdim të mos i lini pas dore çështjet praktike dhe ekonomike që të mos çoni dëm ndonjë mundësi interesante. Përpiquni të konsolidoni diçka ditën e mërkurë. Bëjeni këtë pa pretenduar shumë nga njerëzit dhe situatat. Jini krijues dhe plot fantazi në ditët në vazhdim, sepse kjo është ajo që pritet prej jush.
Shigjetari
Janë të shumtë planetët që interesohen ende për shenjën tuaj dhe që e bëjnë në këtë mënyrë shumë intensive të tashmen. Ajo që do të ndjeni veçanërisht do të jetë energjia e Mërkurit, duke ju bërë të jetoni në mënyrë intensive çdo raport. Njerëzit tuaj të dashur do të dinë të kuptojnë nevojën për rregull dhe disiplinë që jua dikton Saturni prej kohësh. Ja pse ditën e mërkurë do të jetë koha më e përshtatshme për të bërë diçka serioze dhe angazhuese duke u mbështetur edhe në bashkëpunimin e atyre që keni pranë. Të enjten përkushtojuni diçkaje zbavitëse e stimuluese që do t’ju ndezë pasionin. Yjet ju ndihmojnë të bëni gjithçka në çift.
Bricjapi
Jeni një shenjë që ju pëlqen të meditoni dhe të dëgjoni në qetësi, që nuk keni frikë të rrini vetëm me mendimet tuaja. Në ditët në vazhdim provoni të dëgjoni mendjen tuaj, një raport i vështirë, por interesant, që Mërkuri ju imponon të përjetoni idetë, intuitat, proceset logjike. Do të kuptoni për shembull që mendimi duhet të jetë diçka që ju ndihmon të jeni më mirë dhe që s’është nevoja të vini në dyshim gjithmonë gjithçka që jeni e bëni. Të enjten do të përjetoni një moment origjinal të paparashikuar, duke mos ua vënë veshin mendimeve të logjikshme që ju ndihmojnë të rrini me këmbë në tokë. Është e rëndësishme
Ujori
Herë pas here të lindurit e kësaj shenje janë të prirë t’u kushtojnë rëndësi fjalëve dhe komunikimit. Mërkuri, protagonisti i vërtetë i ditëve në vazhdim, do t’ju ndihmojë të shpreheni shpesh dhe me kënaqësi në mënyrë që të shkëmbeni konceptet dhe të flisni për realitetin. Kjo do t’ju ndihmojë të ndiheni më mirë, të përcaktoni kufij të rinj, të habisni të gjithë ata që kanë të bëjnë me ju. Me pak fjalë mundohuni të tregoheni të logjikshëm. Të enjten mund të ndiheni shumë të vlerësuar nga dikush që pret prej jush ide dhe zgjidhje shumë origjinale.
Peshqit
Do të jeni të angazhuar duke u marrë me tensionet, njerëzit dhe pasiguritë që bëjnë pjesë në të tashmen tuaj. Kjo mund t’ju pengojë të dalloni ndryshimet që Mërkuri dikton edhe për ju. Nga mesi i javës do të bëheni më të përgjegjshëm dhe kjo sjellje do t’ju ndihmojë të arrini larg. Të enjten do të përballeni me risi dhe ndryshime, shpesh të papritura. Kurse në fundjavë do të ndiheni të kënaqur me mënyrën si jeni sjellë.
