Dashi
Gjatë ditëve në vazhdim Mërkuri do të rikthehet në shenjën tuaj e për pasojë nuk do t’ju mungojnë idetë. Marrëdhëniet me të tjerët do të përmirësohen dhe do të reagoni më mirë ndaj gjithçkaje, por duhet të bëni durim. Të shtunën do të tregoheni mjaft origjinalë dhe do të jeni të gatshëm të bëni ndryshime të vogla. Kushtojini më shumë rëndësi pamjes dhe imazhit ditën e diel, sepse do të jeni të favorizuar prej Mërkurit.
Demi
Ndonjëherë kemi tendencën ta mbajmë përbrenda çdo gjë, duke u treguar të rezervuar edhe për gjërat me të cilat përballemi . Janë planetët Mars dhe Mërkur ata që ndikojnë që ju të jeni më të izoluar, duke kompensuar kësisoj pasigurinë që ndieni. Bëni kujdes megjithatë, sepse shpesh do të keni të bëni me njerëz të guximshëm, të cilët duan të jenë të qartë për gjithçka.
Binjakët
Mos e mbani të fshehtë faktin që në këtë periudhë po kërkoni të gjeni siguri. Yjet ju këshillojnë të mos druheni prej asgjëje, ndoshta dhe të përballeni me gjithçka që s’e keni shumë për zemër, mjafton që t’u jepni zgjidhje çështjeve që keni lënë pezull. Në fundjavë do të ndiheni më të guximshëm për të reaguar për sa i takon situatës në të cilën ndodheni. Për këtë do të keni mbështetjen e yjeve. Më pas do të ndiheni të shpërblyer.
Gaforrja
Mbase e keni kuptuar edhe vetë që keni bërë premtime të cilave s’u dilni dot për zot. Aty nga mesi i javës do të ndjeni praninë e Mërkurit në shenjën tuaj, i cili do t’ju ndihmojë që, duke shfrytëzuar aftësitë tuaja, të mos bëni figurë të keqe. Projektet e ndryshme do të marrin zgjidhje pasi ju të përballeni në mënyrë të drejtpërdrejtë me problemet dhe të jeni të hapur ndaj dialogut. Kësisoj do të jeni protagonistë të një zgjedhjeje, por nëse nuk jeni të bindur mjafton të hiqni dorë.
Luani
Marsi dhe Mërkuri do të jenë planetët protagonistë në shenjën tuaj gjatë kësaj jave. Do të jenë pikërisht këto forca kozmike që do të trazojnë të tashmen e të lindurve të shenjës së Luanit. Të enjten Mërkuri do të kalojë sërish në shenjën tuaj, ku do të rrijë për një periudhë pak më shumë se një javore, kohën e mjaftueshme për t’u dhënë zgjidhje disa çështjeve që i kishit lënë pezull përpara fillimit të verës. Në fundjavë do të ndieni dëshirën të çlironi energjitë, kurse të dielën do të jeni në gjendje t’i kanalizoni më mirë ato.
Virgjëresha
Mërkuri do të largohet nga shenja juaj, por vetëm për dhjetë ditë. Kështu, do t’i keni mendimet më të kthjellta dhe do të mund të arsyetoni më mirë. Marsi do të kalojë në shenjën tuaj gjatë fundjavës, duke ju dhuruar energji të madhe, të cilën do ta ndieni gjatë javëve në vazhdim. E tashmja do të jetë disi e trazuar dhe e mbushur me ngjarje. Veproni me qetësi dhe shijoni të gjithë rehatinë që mund t’ju ofrohet në fundjavë.
Peshorja
Kjo mund të ishte një javë e qetë për të lindurit e shenjës së Peshores, nëse s’do të kishit pranë vetes njerëz që kanë nevojë të çlirojnë energjitë dhe të shfaqin entuziazmin që i karakterizon. Aty nga mesi i javës Mërkuri do të sjellë në vëmendjen tuaj projektet dhe problematikat, që i kishit lënë disi pas dore, por që tani kërkojnë angazhimin tuaj. Fundjava do të jetë momenti i përshtatshëm për t’u dhënë zgjidhje këtyre çështjeve, por duhet të tregoheni të duruar.
Akrepi
Ekzistojnë vërtet disa çështje, të cilave duket se nuk u vjen fundi dhe të cilat duhet t’i mbani vazhdimisht në kontroll. Falë ndikimit të Mërkurit do t’ju duhet të bëni një përpjekje të fundit për të rregulluar gjithçka që nuk është në përputhje me idetë tuaja. Mbase mund të mos ju pëlqejë shumë kjo përpjekje, por falë ndikimit pozitiv të Marsit në fundjavë nuk ka pse të keni frikë për të folur, reaguar dhe për të marrë iniciativa. E rëndësishme është të keni besim te vetja.
Shigjetari
Mërkuri do të jetë në shenjën tuaj, por vetëm për dhjetë ditë, duke ju dëshmuar se sezoni i dashurisë për të lindurit e shenjës së Shigjetarit shkon e vjen në varësi të mënyrës si e shikoni. Lejojeni veten të përfshiheni nga pasioni, të ndiheni energjikë dhe të tregoheni të vendosur. Ëndërroni dhe bëni projekte bashkë me personin tuaj të zemrës, sepse më pas do të ndieni dëshirën për të konkretizuar idetë tuaja.
Bricjapi
Mos u trembni për faktin se do të jetë e nevojshme që disa çështje t’i shtyni për më vonë, sepse në të vërtetë një pauzë është më se e nevojshme dhe kjo do të zgjatë vetëm për disa ditë. Nën ndikimin e Mërkurit gjithçka do të shkojë mirë për shenjën tuaj e më pas ju do të jeni të lirë të veproni. Shfrytëzojeni këtë moment pushimi për të rimarrë energjitë që më pas të vazhdoni me aktivitetet tuaja.
Ujori
Duket se yjet ju bëjnë lojëra të çuditshme dhe gjatë ditëve në vazhdim ju do të ndieni largimin e Mërkurit , planetit të ideve dhe fjalëve, nga shenja juaj. Falë këtij fenomeni do t’ju duhet të bëni kujdes që të mos thoni apo komunikoni diçka të gabuar në publik. Kurse Marsi do të ndikojë që të veproni me durim dhe maturi dhe të mos merrni vendime të minutës së fundit, duke ju prishur kështu rezultatet e arritura.
Peshqit
Hiqni dorë, sepse nuk do të arrini të kuptoni vërtet mendimet apo dëshirat e dikujt. Mërkuri ju këshillon që gjatë ditëve në vazhdim të mos u kushtoni shumë rëndësi ndjenjave dhe ndërlikimeve që vijnë prej tyre. Sepse kështu vetëm sa do ta bënit më kaotik një raport ku mungon qartësia. Në fundjavë do t’ju duhet të kujdeseni për mirëqenien tuaj dhe është më mirë të mos lini asgjë pas dore që të gjeni ekuilibrin dhe energjitë, për të cilat keni shumë nevojë.
