Dashi
Ndonjëherë është më mirë të mos luani me zjarrin, me atë që simbolizon rrezikun, frikën për gjërat që s’mund t’i kontrollojmë plotësisht. Marsi do t’ju ndihmojë ta përballoni javën me sukses e duke u distancuar disi prej problemeve. Në fundjavë do t’ju duhet të mposhtni frikën dhe dyshimet e të mos e merrni kurrë diçka me lehtësi. Do të keni disa paqartësi nga dita e martë deri të premten, ku do të bëheni kureshtarë për gjithçka. Gjatë kësaj jave do ta bëni çdo gjë me pasion.
Demi
Falë ndikimit të Venusit do të ndiheni gjatë kësaj jave të fortë e të vendosur. Do t’ju duhet të tregoheni të vendosur e të ruani qetësinë dhe në praninë e personave që mund të tregohen të palogjikshëm, gjë për të cilën do të pendohen në fundjavë. Mërkuri do të ndikojë që të jeni në lartësinë e duhur dhe do të fitoni simpatinë e atyre që ju dëgjojnë dhe ju vëzhgojnë. Ditën e diel rrini larg personave që kanë dyshime të pabazuara.
Binjakët
Atyre që ju pyesin përse jeni vazhdimisht në lëvizje, përgjigjuni se kjo ndodh si pasojë e ndikimit të Mërkurit, i cili do të jetë planeti protagonist gjatë kësaj jave. Ai do t’i bëjë unike këto ditë për të lindurit e shenjës së Binjakëve. Të martën mund të hasni vështirësi në aspektin e ndjenjave, kurse të mërkurën do të ndiheni disi të shpërqendruar, por njëkohësisht të fortë e të vendosur e personat pranë jush do ta kenë të vështirë t’ju kuptojnë. Mos jini dyshues të premten e mos u merrni me gjërat që s’ju pëlqejnë.
Gaforrja
Zor se do të ndiheni të qetë gjatë kësaj jave e s’do të mund t’i bëni gjërat sipas qejfit tuaj, dhe kjo falë ndikimit të Diellit, të Marsit e të Mërkurit. Bëni kujdes të hënën dhe të martën, kur do të ndiheni të tunduar të përfshiheni në aventura e situata të paqarta, sepse do të ndieni një optimizëm të pavend. Situata do të përmirësohet të mërkurën kur do të keni forcën dhe qartësinë e nevojshme për të bërë gjënë e duhur. Mos bëni polemika gjatë fundjavës, sepse s’do të arrini asgjë të mirë.
Luani
Kjo mund të përkufizohet si një javë pushimi dhe shkëputjeje nga angazhimet e shumta. Shijojeni këtë moment qetësie, por pa u treguar krejtësisht neglizhues. Të hënën, kalimi i hënës në shenjën e Luanit do të ndikojë që të ndiheni të emocionuar, por asgjë nuk do t’ju imponohet. Mbani gjithmonë në kontroll aspektin profesional, megjithëse nuk do të jeni shumë kërkues gjatë këtyre ditëve, sepse sidoqoftë mund të kërkohet vëmendja juaj për diçka.
Virgjëresha
Edhe në ditët në vazhdim shenja juaj do të mbështetet nga yjet dhe planetët, të cilët do t’jua përmirësojnë situatën e do t’jua bëjnë më të këndshme. Por mbi të gjitha s’do të druheni të përballeni me sfidat për të arritur aty ku doni. Të premten do t’u jepni zgjidhje të gjitha vështirësive që do të hasni në fillim të javës. Hëna do të ndikojë ndjeshëm në emocionet tuaja ditën e mërkurë. Kurse në fundjavë do të jeni në gjendje t’i përballoni më së miri emocionet tuaja.
Peshorja
Ndieni shpesh nevojën që të bashkërendoni forcat dhe optimizmin me energjitë paksa më negative në mënyrë që të konkretizoni qëllimet që i keni vënë vetes për muajin korrik. Me pak fjalë, do t’ju duhet të kuptoni se kur dhe si do të reagoni në të tashmen dhe kur do të jetë momenti i duhur për të vepruar. Personat tuaj të dashur do të jenë disi të shpërqendruar gjatë ditëve të para të javës dhe në fundjavë do të kenë një ndjesi faji ndaj jush. Mos kini shumë pretendime gjatë kësaj jave, por përfitoni nga prania e energjive pozitive.
Akrepi
Në njëfarë mënyre do ta gjeni mënyrën që t’i mbani në kontroll energjitë e kësaj jave. Falë ndikimit të Marsit do të ndieni dëshirën që t’u besoni të tjerëve, por logjika ju dikton të kundërtën. Të mërkurën do të keni intuitë të përsosur dhe falë ndikimit të planetit Mërkur zgjidhja do të jetë e garantuar. Do ta mbyllni muajin qershor me ndjesinë se një forcë e çuditshme dhe aspak interesante ndikon në shenjën tuaj dhe falë ndikimit të Plutonit do të jeni dyshues ndaj gjithçkaje. Përpiquni që muajin korrik ta prisni me energji të reja.
Shigjetari
Ndërkohë që ju e përjetoni qetësisht ndikimin e Jupiterit në shenjën tuaj, ndoshta edhe falë qetësisë që i karakterizon këto ditë vere, mund të përballeni me paqëndrueshmërinë e dikujt. Përpiquni t’i shmangni tensionet ditën e martë, sepse mund të arrijë puna gjer në zënka të panevojshme. Situata do të përmirësohet shumë të mërkurën, sepse do të keni të bëni me njerëz që ju kuptojnë dhe i pranojnë idetë tuaja origjinale. Rrini larg në fundjavë personave që dyshojnë pa pasur arsye konkrete.
Bricjapi
Mbase do të dëshironit të kalonit një javë të qetë, pa ju dashur që të sfidoni të nxehtin e verës, por për këtë mund t’ju bëhen pengesë Marsi dhe Mërkuri. Të dy planetët do t’ju sfidojnë të shfaqni kureshtje dhe pasion ndaj personave që keni pranë e që ju vëzhgojnë. Do ta keni më të lehtë t’i arrini objektivat tuaja gjatë ditëve të hënë, të mërkurë e të enjte, kurse të martën dhe të premten nuk do ta keni ndihmën e yjeve për të arritur rezultatet e dëshiruara. Bëni kujdes ditën e diel, sepse ekuilibrat tuaj mund të jenë në krizë.
Ujori
Mos u mashtroni prej ndikimit të Hënës dhe të ndiheni të detyruar ta filloni javën në mënyrë intensive dhe të ndiheni të përfshirë në realitetin e të tashmes. Të mërkurën gjithçka do të përfshihet nga qetësia që karakterizon këto ditë të nxehta. Përpiquni që në ditët në vazhdim të tregoni kujdes për fizikun tuaj dhe të rifitoni energjitë e humbura, si dhe të vendosni rregull në mendimet tuaja. Mos harroni që pauzat shërbejnë për t’u çlodhur në mënyrë që t’ia filloni me më shumë energji se më parë.
Peshqit
Të lindurit e kësaj shenje do të vazhdojnë dhe gjatë kësaj jave t’u përkushtohen pasioneve të tyre dhe kjo falë ndikimit pozitiv të Marsit dhe të Mërkurit që do t’ju ndihmojnë të ndiheni të qeshur e të çlodhur. Nuk do t’i keni gjithmonë të lehta raportet me personin tuaj të zemrës, sidomos të martën, por kjo s’do t’ju pengojë ta mbyllni muajin qershor me ndjesinë se po përjetoni diçka të bukur e të veçantë. Bëni kujdes ditën e martë dhe më pas mund t’u përkushtoheni gjërave që ju magjepsin. S’do të pendoheni.
