Dashi
Java do të jetë e mbarë për të lindurit në shenjën e Dashit. Përfitoni nga prania e Venusit në shenjë deri ditën e shtunë për t’i dhënë zgjidhje çështjeve të lëna pezull me partnerin. Nëse jeni beqarë mos hezitoni t’i propozoni personit që e keni për zemër, sepse përgjigjja do të jetë pozitive. Mërkuri vazhdon t’ju mbështesë në aspektin profesional: projektet dhe iniciativat tuaja do të shpërblehen. E hëna dhe e marta do të favorizohen nga Hëna në shenjën tuaj, ndërsa në fundjavë mund të përjetoni gjendje nervozizmi.
Demi
Më në fund Venusi do të kalojë në shenjën e Demit dhe ata do të përjetojnë çaste magjike në aspektin sentimental. Duke filluar nga dita e shtunë, gjithçka mund të ndodhë. Ndoshta mund të gjeni personin e përshtatshëm për ju. Dita e hënë dhe e martë nuk do të jenë fort të mbara për shkak të ndikimit të Hënës në shenjë. E mërkura, e enjtja dhe e premtja do të jenë ditët më me fat gjatë të cilave mund të merrni një lajm të mirë.
Binjakët
Venusi, i cili ju bën të dukeni magjepsës, do të rrijë në shenjën e Binjakëve deri ditën e shtunë. Nëse doni të bëni për vete dikë, mos humbisni kohë, por merrni menjëherë iniciativën. Në aspektin profesional do t’ju ofrohen mundësi të reja dhe interesante. Planeti Mërkur favorizon takime dhe mundësi për ndryshime. Ditët më me fat do të jenë e hëna dhe e marta. Ditët gjatë të cilave ju këshillohet të bëni kujdes janë e mërkura dhe e enjtja.
Gaforrja
Të lindurit e shenjës së Gaforres kanë kaluar një periudhë të ndërlikur për sa i përket aspektit sentimental, por gëzoni sepse kësaj periudhe po i vjen fundi. Duke filluar nga dita e shtunë, Venusi do të kalojë në shenjën tuaj dhe çështjet sentimentale që ju trazonin shpirtin do të gjejnë zgjidhje. Për sa i përket aspektit profesional do të vazhdoni të keni vështirësi. Bëni kujdes të mos mërziteni në fundjavë prej shqetësimeve të kota.
Luani
Fillimi i javës do të jetë i mbarë për të lindurit e shenjës së Luanit. Ditën e hënë dhe të martë pozicionimi i planetëve dhe i Hënës do të favorizojnë shenjën tuaj. Në aspektin profesional do të keni rezultate të shkëlqyera. Për sa i përket aspektit sentimental, gjërat nuk do të ecin dhe aq mirë. Si pasojë e largimit të Venusit nga shenja juaj, mund t’ju krijohen tensione me partnerin. Bëni kujdes nëse shoqëroheni me dikë që është i prirur për të tradhtuar.
Virgjëresha
Të lindurit e shenjës së Virgjëreshës nuk kanë përjetuar emocione të fuqishme gjatë këtyre javëve, prandaj është e kuptueshme që prisni me padurim të ndjeni rrahjet e forta të zemrës. Kjo ka për të ndodhur shumë shpejt. Duke filluar nga dita e shtunë, Venusi do të kalojë në shenjën tuaj dhe do të keni takime interesante dhe emocionuese. Ditët më me fat të javës, me Hënën në shenjën tuaj, do të jenë e mërkura, e enjtja dhe e premtja. Atëherë pritet që të merrni lajme të shkëlqyera.
Peshorja
Kjo nuk do të jetë një javë e mbarë për të lindurit e shenjës së Peshores. Me largimin e Venusit dhe të Mërkurit do të keni përshtypjen se diçka ju bëhet vazhdimisht pengesë. Çlirohuni prej ankthit dhe bëni kujdes në aspektin profesional, sidomos ditën e hënë kur do të ndiheni veçanërisht në humor të keq. Bëni kujdes si shpreheni me personin tuaj të zemrës sepse, pasi të kalojë kjo periudhë pështjellimi, mund të pendoheni për fjalët që keni thënë.
Akrepi
Të lindurit e shenjës së Akrepit këshillohen që t’i shfrytëzojnë në maksimum këto ditë për t’u dhënë zgjidhje çështjeve sentimentale, për të sqaruar gjithçka që ka mbetur e paqartë, sepse duke filluar nga dita e shtunë do ta keni të vështirë të kuptoheni me partnerin. Venusi do të largohet nga shenja juaj dhe më pas do ta keni të vështirë të gjeni qetësinë në çift. Ndërkohë, shijojini ditët me fat të javës: të mërkurën, të enjten dhe të premten ku Hëna do të jetë në shenjën tuaj.
Shigjetari
Këto do të jenë ditët e fundit që Venusi do të qëndrojë në shenjën e Shigjetarit, duke ju dhuruar qetësi dhe pasion ju dhe partnerit tuaj. Mërkuri do t’ju ndihmojë t’i jepni zgjidhje një problemi në aspektin profesional dhe do të lehtësojë marrëdhëniet me të tjerët, sidomos me shefat dhe kolegët. Bëni kujdes të mos nervozoheni së tepërmi në ditët kur Hëna nuk ju favorizon: të mërkurën, të enjten dhe të premten. Ditët me fat do të jenë e hëna dhe e marta.
Bricjapi
Kjo nuk do të jetë një javë dhe aq e qetë për të lindurit e shenjës së Bricjapit. Duke qenë se Venusi do të kalojë në shenjën tuaj, situata në aspektin sentimental premton të jetë pozitive dhe do të mund të gjeni qetësinë e munguar. Por, gjërat nuk do të ecin mbarë në aspektin profesional. Falë pozicionimit të Mërkurit, do të hasni pengesa dhe disa çështje nuk do të gjejnë ende zgjidhje. Por mos u shqetësoni, sepse kjo është një fazë kalimtare.
Ujori
Venusi do të pozicionohet në shenjën e Ujorit deri ditën e shtunë, dhe për rrjedhojë do të përjetoni momente të këndshme me partnerin. Përfitoni sa më shumë nga kjo situatë, sepse në fundjavë mund të lindin tensione. Gjithçka do të shkojë mirë në aspektin profesional me përjashtim të ditës së hënë dhe të martë kur, si pasojë e ndikimit të Hënës, mund t’ju dalë ndonjë e papritur. Mos u shqetësoni sepse gjithçka do të gjejë zgjidhje ditën e mërkurë.
Peshqit
Duke filluar nga dita e shtunë situata premton të jetë mjaft pozitive për të lindurit e shenjës së Peshqve në aspektin sentimental. Nëse këto kohë jeni ndier të vetmuar apo keni menduar se nuk e keni mirëkuptimin e të tjerëve mos u bëni merak, sepse gjendja do të ndryshojë për mirë dhe do të ndiheni të përmbushur. Mos u shqetësoni nëse të mërkurën, të enjten dhe të premten diçka do të shkojë keq. Largimi i Hënës nga shenja juaj bën që situata të duket më e zymtë nga ç’është në të vërtetë.
