Dashi
Do të keni fat në aspektin e ndjenjave. Falë Venusit në shenjën tuaj nuk do t’ju mungojnë përkujdesjet e partnerit, i cili do t’ju kuptojë dhe vlerësojë. Duke filluar nga dita e premte, edhe Mërkuri do të kthehet në shenjën tuaj dhe gjërat do t’ju ecin mbarë edhe në sferën profesionale. Në fundjavë Hëna do të ndriçojë në shenjën tuaj dhe do të ndezë pasionet.
Demi
Mos hezitoni të merrni parasysh kërkesat apo propozimet e ndryshme që mund t’ju bëhen. Javën e ardhme Mërkuri do të kthehet në pozicion të pafavorshëm, duke ju krijuar vështirësi në marrëdhënien me kolegët. Për rrjedhojë mund të përjetoni një moment izolimi. Edhe në sferën e ndjenjave do të hasni probleme dhe do të keni dyshime te partneri.
Binjakët
Hëna e kthyer në pozicion të pafavorshëm mund t’ju krijojë probleme dhe të ndikojë që të jeni në humor të keq. Të mërkurën gjithçka do të gjejë zgjidhje dhe në fundjavë do ta merrni veten. Dashuria do t’ju buzëqeshë. Venusi i kthyer nga shenja juaj do t’jua bëjë lidhjen më pasionante. Argëtimi është i garantuar.
Gaforrja
Mërkuri do të jetë i kthyer nga shenja e Gaforres deri ditën e premte. Do të jeni të favorizuar prej këtij planeti për t’i dhënë zgjidhje çdolloj konflikti si në aspektin profesional edhe në atë personal. Do të jeni dëgjues të mirë dhe do të arrini që zëri juaj të dëgjohet. Të mërkurën, të enjten dhe të premten, falë pozicionimit të Hënës, do të përjetoni luhatje humori dhe do të hasni ndonjë vështirësi që mund t’ju shkaktojë nervozizëm.
Luani
Venusi në shenjën tuaj do t’ju dhurojë fat në dashuri. Duke filluar nga dita e premte, edhe Mërkuri do të kalojë në shenjën tuaj dhe do të fillojë për ju një periudhë e suksesshme. Do të jeni të shpërblyer në aspektin profesional. Këshillohet që të bëni kujdes në fundjavë, sepse Hëna do të jetë kthyer në pozicion të pafavorshëm dhe mund të ndiheni disi të lodhur.
Virgjëresha
Kjo do të jetë një javë e mbarë për të lindurit në shenjën e Virgjëreshës. Ju leverdis që ta çoni përpara një projekt që e keni mjaft për zemër, sepse Mërkuri është në shenjën tuaj dhe pranë vetes do të keni njerëzit e duhur. E mërkura, e enjtja dhe e premtja do të jenë ditë me fat, sepse do të keni dhe mbështetjen e Hënës në çdo fushë.
Peshorja
Duke filluar nga dita e premte, planeti Mërkur do të kthehet nga shenja juaj dhe i gjithë stresi që keni përjetuar, sidomos në aspektin profesional, do të jetë veçse një kujtim i largët. Edhe në dashuri gjërat do t’ju ecin mbarë, sepse do të keni mbështetjen e planetit Venus. Lidhjet e krijuara rishtazi do të bëhen më të forta, ndërsa për beqarët parashikohen takime interesante. Fundjava do të jetë me fat.
Akrepi
Venusi është kthyer në pozicion të pafavorshëm për shenjën e Akrepit, prandaj situata sentimentale do të ndërlikohet. Dhe megjithëse ju pëlqejnë gjërat e ndërlikuara, bëni kujdes, sepse kush luan me zjarrin mund të digjet. Bëni kujdes edhe për sa i përket aspektit profesional. Duke filluar nga dita e premte, Mërkuri në pozicion të pafavorshëm mund të ndikojë që ritmi të ngadalësohet. E mërkura dhe e enjtja do të jenë ditë me fat.
Shigjetari
Java do të fillojë bukur me Hënën në shenjën tuaj. Më pas, edhe falë pozicionimit të Venusit, do të përjetoni emocione të jashtëzakonshme. Situata në aspektin e ndjenjave do të jetë mjaft pozitive. Duke filluar nga dita e mërkurë do t’ju njihen meritat edhe në aspektin profesional dhe do të arrini rezultate të rëndësishme. Përgatituni të përjetoni një fundjavë plot me aventura.
Bricjapi
Më në fund, pas periudhës së stuhishme që përjetuat, do të kthehet qetësia në jetën tuaj sentimentale. Duke filluar nga dita e premte, edhe në aspektin profesional, gjërat do të ecin mbarë. Derisa të vijë ajo ditë, do t’ju duhet të kapërceni pengesat që vijnë si pasojë e ndikimit të Mërkurit në shenjën tuaj. Mos u dorëzoni! E mërkura, e enjtja dhe e premtja do të jenë ditët më të mbara të javës.
Ujori
Venusi dhe Mërkuri do të kthehen në pozicion të pafavorshëm për shenjën e Ujorit. Për rrjedhojë, do të hasni vështirësi në situatën në çift, ku nuk do të mungojnë tensionet. Nuk do të jenë të favorizuar as beqarët për takime të reja. Zor se mund ta njihni në këtë periudhë njeriun e ëndrrave tuaja. E shtuna dhe e diela do të jenë ditë me fat. Hëna në shenjën tuaj do të ndikojë që t’ju ngrihet humori.
Peshqit
Këshillohet që këtë javë të lindurit në shenjën e Peshqve të përqendrohen te puna. Sidomos nëse jeni në kontakt me të tjerët. Do të jeni të favorizuar prej Mërkurit dhe e enjtja do të jetë një ditë me fat. Nuk pritet të ndodhin ndryshime në aspektin e ndjenjave. Ju jeni vazhdimisht në kërkim të emocioneve të reja.
