Dashi
Shijojini këto ditë të fundit të pranisë së Venusit, një sinjal që tregon se do t’ju ecë mbarë në dashuri dhe do të mund të besoni te ndjenjat dhe raportet pozitive. Më pas, duke filluar nga dita e shtunë, planeti i kuq do t’ju bëjë të ndjeheni më pak optimistë dhe më të tensionuar për të përjetuar çdo raport. Duhet të kujdeseni pak më shumë edhe për çështjet praktike duke vendosur një ekuilibër të ri për shpenzimet dhe angazhimet e tjera. Duke filluar që nga ky moment do ta keni më të vështirë për të vlerësuar personat dhe situatat. Mos kini frikë t’i kërkoni një këshillë dikujt, të cilit i besoni vërtet.
Demi
Yjet do t’i kushtojnë më shumë vëmendje të lindurve të shenjës tuaj gjatë ditëve në vazhdim. Kjo do të ndodhë falë Mërkurit, trupit qiellor të ideve dhe të logjikës, i cili duke filluar nga dita e enjte do të tërhiqet duke ju penguar që të mos i kushtoni vëmendje gjërave të rëndësishme, për të cilat duhet të mendoheni dhe t’u jepni zgjidhje. Më pas Venusi, planeti që të shtunën do të bëjë hyrjen e tij triumfuese në shenjën e Demit, do të sjellë energji në shenjën tuaj. Nëse nuk ju mjafton e gjithë kjo, atëherë kujtohuni se të dielën dielli do t’ju bëjë të ndiheni më energjikë dhe më të shpërqendruar. Java do të mbyllet bukur.
Binjakët
Janë të pakta gjërat që do të vënë re të lindurit e shenjës së Binjakëve, sepse yjet do të ushtrojnë ndikimin e tyre pa rënë në sy. E vetmja gjë e rëndësishme është tërheqja e Mërkurit që do të fillojë të enjten. Kjo gjë për rreth një muaj do t’ju bëjë të ndiheni të pasigurt dhe do ta ndieni të nevojshme të bëni një pushim. Të dielën do të ndihet ndikimi i Neptunit, i cili do t’ju kujtojë se kaosi është një konstante në ditët tuaja. Për fat, të dielën nuk do të jetë shumë e rëndësishme që të tregoheni të përpiktë.
Gaforrja
Ka ardhur momenti që të rivini në vend disa gjëra, të jeni të qartë për sa i takon realitetit dhe situatave të ndryshme. Kjo është një mundësi e mirë që yjet tani jua ofrojnë dhe që duhet të provoni ta shfrytëzoni. Përfitoni nga ndikimi i Mërkurit për të reflektuar, për të kuptuar nëse vërtet gjatë kohëve të fundit jeni sjellë në përshtatje me situatat apo nëse mund të bënit më shumë. Përfitoni më pas nga zhvendosja e Venusit, planetit që në ditët në vazhdim s’do të jetë më armik i humorit tuaj dhe i ëmbëlsisë që karakterizon të lindurit e shenjës së Gaforres. Do t’ju kthehet dëshira për t’u kënaqur në profesionin tuaj, që të rrini mes kolegëve dhe njerëzve të rëndësishëm. Qielli do të tregohet i mirë me ju.
Luani
Ky nuk është momenti i përshtatshëm që t’u besoni ideve, zgjidhjeve që ju sugjerojnë eksperienca dhe aftësitë tuaja profesionale. Mos e bëni, sepse Mërkuri do t’ju bëjë të ndiheni të pasigurt. Lëreni mënjanë krenarinë dhe provoni t’u kërkoni këshilla njerëzve që keni pranë dhe merrni shembull nga të tjerët. Në fundjavë, Neptuni do t’ju bëjë që të ndiheni nevojën të shpërqendroheni pak dhe do ta keni këtë luks, por me kushtin që të bëni kujdes si veproni, në mënyrë që të mos dukeni të largët apo të pavëmendshëm ndaj personave që ju duan. Venusi do të vigjilojë mbi ju.
Virgjëresha
Ndoshta e keni më të lehtë të duroni kur gaboni në çift. Nëse deri më sot partneri dhe personat pranë jush ishin sjellë në mënyrë alogjike dhe të paqartë, duke filluar nga dita e enjte edhe ju mund të lëvizni me kujdes pa një drejtim të caktuar. Kjo do të ndodhë për shkak të tërheqjes së Mërkurit, një fenomen që do t’ju bëjë shoqëri për rreth një muaj. Mund të mbështeteni te Venusi, mik i të lindurve të Virgjëreshës, i cili do t’ju ndihmojë në vendimet dhe zgjedhjet e momentit. Të dielën do të mund të shijoni gjërat e thjeshta, ato që ju ndihmojnë të shpërqendroheni dhe të mos mendoni.
Peshorja
Perceptimi për të tashmen fillon sidomos nga ne vetë, nga dëshira dhe aftësia jonë për ta konsideruar atë një moment të këndshëm. Së shpejti Venusi nuk do ta ushtrojë më ndikimin e tij negativ, që ju pengonte të shijonit gjërat e bukura të prillit. Përdorni energjinë e Marsit që të bindeni se kjo është java e përshtatshme për t’ju dhënë forcë dhe shpresë, duke përshtatur edhe pamjen me mënyrën tuaj të të vepruarit. Qëndrojini pranë në fundjavë një miku që po përkundet mes ëndrrave dhe iluzioneve, por pa e zgjuar me ashpërsi.
Akrepi
Nuk jeni ju të ndërlikuar, por të tjerët. Por thelbi nuk ndryshon shumë. Venusi dhe Mërkuri jua bëjnë më të vështirë të përballeni me situatat dhe njerëzit që në këto momente duken të vendosur të mos ju japin shpesh të drejtë. Duhet të mësoni të përballoni më mirë personat që kundërshtojnë ashpër idetë dhe projektet tuaja. Ky bast jo vetëm që nuk ju tremb, por përkundrazi rrezikon të transformohet në një sfidë zbavitëse. Është e rëndësishme, madje thelbësore që në fundjavë të pushoni që të rimerrni energjitë. Lejojani vetes.
Shigjetari
Venusi dhe Mërkuri do të bëjnë një pauzë, madje një tërheqje të plotë. Sa keq! Janë pikërisht ata që gjatë kohëve të fundit ju kanë ndihmuar shpesh të përjetoni më të mirën në gjithçka. Do t’ju duhet të angazhoheni më shumë në fushën e ndjenjave dhe në planin profesional. Do t’ju duhet të përballeni me ata që nuk i kanë idetë e qarta dhe nuk dinë çfarë drejtim të marrin. Provoni të kontrolloni emocionet tuaja për të vendosur rregull në të tashmen. Ka të ngjarë që të dielën një lajm pozitiv t’ju ndihmojë të ndjeheni më mirë.
Bricjapi
Yjet duken të vendosur t’ju bindin që të ndryshoni stilin tuaj të jetesës. Kjo gjë ka për t’ju pëlqyer. Sepse Mërkuri, i cili ushtron ende ndikim pozitiv, të enjten papritur do të tregohet i pasigurt dhe ju këshillon të mos i besoni shumë logjikës tuaj. Venusi, duke filluar që nga e shtuna, do t’ju japë energjinë e nevojshme për t’u ndier mirë dhe për të mos lënë pas dore asgjë dhe askënd. Yjet ju japin mundësi të lehtësoni barrën aktuale pa u ndier fajtorë dhe pa pasur frikë se nuk keni bërë mjaftueshëm. Neptuni ju këshillon që të dielën t’u përkushtoheni vetëm gjërave që ju pëlqejnë.
Ujori
Herë pas here është e nevojshme që të ndaleni të reflektoni dhe të merreni më shumë me çështjet e shpirtit. Qielli i kësaj jave ju rekomandon të ngadalësoni dhe të provoni të bindeni që idetë dhe perceptimet mund të jenë të gabuara ose tepër pesimiste. Merrni në konsideratë mundësinë që e tashmja mund të jetë më e mirë nga çfarë duket dhe se është koha e përshtatshme për t’u dhënë hapësirë gjërave të bukura. Mos pretendoni shumë nga të tjerët dhe as nga vetja juaj, sepse forcat qiellore s’do të dinë t’ju kënaqin. Vërini veshin të dielën partnerit tuaj ëndërrues dhe që ka dëshirë t’ju bëjë të argëtoheni.
Peshqit
Ky është momenti që t’i përkushtoheni sidomos raportit me të tjerët dhe të silleni me hijeshi. Bëjeni, sepse tani Venusi ndikon pozitivisht në shenjën tuaj dhe ju jep mundësinë që të thoni në mënyrë të pranueshme edhe gjërat më pak të bukura duke mos u treguar tepër të ashpër. Por bëni kujdes nga pasiguria që ju shkakton Mërkuri apo nga personat pranë jush, të cilët për disa javë nuk do të tregohen shumë të logjikshëm e të vendosur. Me pak fjalë, kjo do të jetë një javë interesante, nga e cila s’duhet të pretendoni shumë.
