Me kë e ka tradhtuar Jay-Z Beyoncen? Kjo është pyetja që ka lindur pas publikimit të albumit më të ri të këngëtares “Lemonade”.
Në video Beyonce ka shkëputur imazhe nga jeta e saj private me bashkëshortin dhe me vajzën 4-vjeçare. “Ai më do vetëm kur nuk jam aty, më mirë të thërrasë Becky-n me flokët e bukura”, thotë Beyonce në një pjesë të këngës.
Stilistja Rachel Roy, e cila është përfolur edhe më parë për marrëdhënien e saj me producentin Jay-Z, ka bërë një postim në Instagram pak orë pas publikimit të albumit të Beyonce, ku përmendte pikërisht frazën “flokë të bukur” duke iu referuar vetvetes.
Një gjë e tillë nuk i ka shpëtuar fansave të divës së muzikës, të cilët i janë vënë pas stilistes, e cila është ish-bashkëshortja e partnerit të Jay-Z në biznes. Emri i Roy është përmendur edhe në vitin 2014 dhe ka pasur spekulime të shumta që sherri në ashensor midis motrës së Beyonce dhe Jay-Z ka qenë pikërisht për shkak të saj.
Sipas burimeve nga “Hollywood Life”, Beyonce ajo ka vendosur të shpërtheje nëpërmjet artit të saj, por as kjo nuk është shumë e sigurt.
Pas komenteve të shumta në rrjetet sociale që e akuzonin atë si prishëse martesash, stilistja ka reaguar nëpërmjet nëj postimi tjetër. “Unë e respektoj dashurinë, martesat, familjet dhe fuqinë. Ajo që nuk duhet të tolerohet nga askush, është bulizmi, i çfarëdo lloji”, ka shkruar ajo.
Por, ndërkohë që stilistja Rachel Roy është një nga femrat kandidate që është akuzuar për tradhti, së fundmi qendra e vëmendjes është bërë Rita Ora, pasi shumë fansa pretendojnë se ajo mund të jetë “Becky me flokët e bukura”.
Fansat kanë akuzuar hapur këngëtaren 25-vjeçare se ka qenë ajo që ka shkaktuar problemet martesore mes Beyonce dhe Jay Z dhe shkak për këtë dyshim është bërë një foto që Rita Ora ka postuar në rrjetin social “Snapchat”.
Vetëm disa ditë para se Bey të publikonte albumin e saj, Rita ka postuar disa foto ku shihet me një palë reçipeta që sipër tyre është dizenjuar limoni. Edhe pse ky dizenjim është falë bashkëpunimit të saj me firmën e të brendshmeve “Tenezis”, Rita mendohet ta ketë bërë qëllimisht. Ajo është akuzuar gjithashtu se në qaf ka vendosur një varëse që mban shkronjën J, duke iu referuar kështu Jay Z.
Faqja e Instagram-it të Rita-s është pushtuar nga ofendime të shumta ndaj këngëtares me origjinë shqiptare, por deri tani nuk kemi një reagim të zëdhënësit të artistes në lidhje më këtë akuzë.
Burimi: Daily Mail
