Dashi
Falë ndikimit të Marsit do të përballeni me situata jo shumë të këndshme për shenjën tuaj, por për fat do të jenë yjet ata që do t’ju vijnë në ndihmë ditën e martë dhe të mërkurë. Venusi në shenjën tuaj do të bëjë që t’ju ndizen pasionet dhe do ta përjetoni më mirë çdo raport. Kurse të mërkurën do të ndjeni ndikimin e Diellit dhe do t’ju përfshijë një valë entuziazmi. Në përgjithësi do të jetë një javë e mbarë ku nuk do të mungojë zbavitja.
Demi
Ky nuk është aspak një sezon i mërzitshëm për të lindurit e shenjës së Demit, sepse me Plutonin në shenjën tuaj do të ndiheni më energjikë dhe plot pasion. Duke filluar nga dita e mërkurë Dielli do të kalojë në këtë shenjë, duke ju shkaktuar emocione pozitive. Kurse falë ndikimit të Neptunit do t’i keni idetë më të qarta dhe do t’ju ngjallen shpresa të reja. Do t’u kushtoni vëmendje vetëm atyre gjërave që kanë vërtet një kuptim për ju.
Binjakët
Shpeshherë mendja juaj hiperaktive ju pengon të përqendroheni për një kohë të gjatë në gjërat e rëndësishme. Duke filluar nga kjo javë, falë ndikimit të Neptunit, do të mund të vini rregull në mendimet tuaja dhe do t’u përkushtoheni çështjeve që kanë të bëjnë me të ardhmen, karrierën dhe fatin tuaj. Këtë javë nuk do ta keni Diellin në shenjë dhe mund t’ju bjerë entuziazmi. Të shtunën, falë pranisë së Mërkurit dhe Uranit në shenjën tuaj, do të ndiheni sërish të gjallëruar. Për fat do të jetë një ditë feste.
Gaforrja
Me raste zemra juaj bujare ju ndikon në zgjedhjet që bëni, duke shkuar ndoshta dhe kundër bindjeve tuaja, vetëm e vetëm që të përmirësoni raportet në çift. Gjatë ditëve në vazhdim, falë ndikimit të Venusit, do të përpiqeni t’u përshtateni të tjerëve, por nuk do të bëhet fjalë për një moment dobësie por për një veprim të zgjuar në mënyrë që të qetësoni shpirtin. Me Neptunin në shenjën tuaj do të mund ta perceptoni më mirë realitetin. Ju këshillohet t’i merrni gjërat me qetësi.
Luani
Ndonjëherë ndjeni dëshirën për t’u arratisur, të shkëputeni nga gjithçka që e bën të tashmen tuaj jo dhe aq interesante dhe që duket sikur po ju zë frymën. Për fat, duke filluar nga dita e mërkurë, Dielli do të jetë në pozicion të favorshëm për shenjën tuaj. Kështu do të jeni gjithmonë buzëqeshur dhe nuk do t’ju mungojnë rastet për t’u argëtuar dhe për ta bërë të tashmen tuaj më të këndshme. Në fundjavë do ta keni të lehtë të përshtateni me çdo situatë. Tregohuni vigjilentë.
Virgjëresha
Ju e dini shumë mirë se për ta realizuar diçka nuk mjafton vetëm dëshira, por duhet edhe që t’i keni idetë të qarta dhe të angazhoheni maksimalisht. Duke filluar nga dita e mërkurë, falë ndikimit të Neptunit, do të mund të kuptoni se çfarë duan të tjerët prej jush dhe marrëdhënia me ta do të jetë më e lehtë. Nuk do t’ju mungojnë idetë dhe imagjinata në fundjavë dhe do të jeni në gjendje t’i kapni gjërat me intuitë.
Peshorja
Marsi ushtron një ndikim të vazhdueshëm në shenjën tuaj, duke ju bërë që të ndiheni më energjikë dhe bashkëpunues me personat që keni për zemër. Të martën, falë ndikimit pozitiv të yjeve, do të merrni përsipër angazhime të shumta dhe do të mund ta kaloni kohën me argëtime. Dielli do të ndriçojë në shenjën tuaj dhe kjo do të reflektohet edhe në sjelljen tuaj gjë që do të vihet re dhe nga të tjerët. Ky është momenti i duhur që t’i kushtoni vëmendje një shqetësimi fizik.
Akrepi
Ndikimi i Venusit gjatë kësaj jave do të jetë i dukshëm për shenjën tuaj dhe ka për t’ju pëlqyer me siguri. Do të ndjeni dëshirën për t’u argëtuar dhe për të bërë gjëra të bukura me personat pranë jush. Falë pranisë së Neptunit në këtë shenjë do të jeni në gjendje të kuptoni më mirë se çfarë ju pëlqen dhe çfarë do t’jua gjallëronte këto ditë të fundit të sezonit. Përpiquni të shtunën të kuptoni nëse mund të realizoni një projekt në bashkëpunim me dikë tjetër. Nuk do t’ju mungojë imagjinata.
Shigjetari
Ka raste kur gjërat që zgjasnin prej një përjetësie ndryshojnë brenda një çasti. Gjatë ditëve në vazhdim situata do të ndryshojë me shpejtësi falë ndikimit të yjeve, duke ju dhënë më shumë shpresë për të ardhmen. Gjithçka do të ndodhë të mërkurën, atëherë kur edhe ndikimi i Neptunit do të ndihet më shumë në shenjën tuaj dhe ju do t’i keni idetë më të qarta. Falë pranisë së Diellit në shenjën tuaj do të viheni në qendër të zodiakut. Në fundjavë, falë pranisë së njerëzve simpatikë, argëtimi është i sigurt.
Bricjapi
Përpiquni ta bëni sa më të këndshme situatën në të cilën ndodheni. Të martën dhe të mërkurën do të keni gjithë mbështetjen e mundshme të yjeve. Prania e Neptunit në shenjë do t’ju ndihmojë të përmirësoni sjelljen në publik, t’u përmbaheni rregullave dhe normave etike. Nuk është ky momenti i përshtatshëm për të shfaqur dyshime dhe për të bërë pyetje. Fati do të jetë në anën tuaj vetëm atëherë kur të mos ju mungojë kuraja.
Ujori
Gjatë ditëve të para të javës do të keni ndjesinë se duhet të bëni maksimumin dhe e gjithë kjo falë ndikimit që ushtron Venusi në shenjën tuaj. Do t’ju duhet të tregoheni të kujdesshëm dhe të angazhoheni shumë për diçka në të cilën nuk keni shumë besim. Të mërkurën gjërat do t’ju ecin mbarë në aspektin sentimental. Falë ndikimit pozitiv të Diellit dialogu në çift do të përmirësohet. Në fundjavë do të keni ide origjinale dhe nuk do t’ju mungojë fantazia.
Peshqit
Pikërisht atëherë kur mendojmë se e kemi në kontroll gjithçka, mund të shprehemi lirshëm dhe të jemi vetvetja. Neptuni nuk do të shkaktojë më pështjellim në shenjën tuaj, duke i hapur udhën fillimit të një sezoni të ri. Falë pranisë së Diellit në shenjën tuaj, situata do të jetë pozitive dhe do të mund t’u përkushtoheni veprimtarive praktike. Kështu në fundjavë, falë energjisë së rigjetur, do të mund të përballoni më mirë ndryshimet që dikush do t’jua imponojë.
