Dashi
Gjatë kësaj jave do të keni ndjesinë se nuk jeni protagonistë të ngjarjeve në ditët në vazhdim. Dielli dhe Mërkuri do të largohen nga shenja juaj dhe ju do t’ju duhet t’i rishikoni pozicionin dhe qëndrimin që do të mbani. Do të hasni shpesh persona në dukje ambiciozë, por që në fakt nuk tregojnë vendosmëri. Falë ndikimit të Uranit do të keni të papritura, por është thelbësore që të mos e humbni shpresën dhe qetësinë.
Demi
Kjo do të jetë një javë e këndshme dhe interesante për të lindurit e kësaj shenje. Gjatë ditëve në vazhdim nuk do të hasni asnjë pengesë nga planetët. Të martën mund të ndiheni disi të shpërqendruar si pasojë e ndikimit të Neptunit, por pikërisht kjo gjendje mendore mund të bëhet shkak për të pasur ide gjeniale, të cilat nuk duhet t’i nënvlerësoni. Ditën e mërkurë falë ndikimit të Diellit dhe të Mërkurit në shenjën tuaj ju do të dukeni rrezatues. Kurse prania e Plutonit në shenjën tuaj do t’ju ndihmojë që ta mbyllni javën bukur me energji dhe plot optimizëm.
Binjakët
Të lindurit e shenjës së Binjakëve gjatë kësaj jave do të ndihen të gatshëm për ndryshime. Të martën do të ndjeni praninë e Mërkurit dhe do të jeni disi jotolerantë në raport me të tjerët. Por të mërkurën do ta mblidhni veten dhe do të jeni më të vetëdijshëm për forcën që ju karakterizon. Bëni durim, sepse do të përshtateni shumë shpejt me ndryshimet yjore, duke u bërë më pak ëndërrimtarë dhe më praktikë se më parë. Gjithashtu do të dini të distancoheni nga iluzionet apo premtimet boshe.
Gaforrja
Të mërkurën do të fillojë sezoni i favorshëm për të lindurit e shenjës së gaforres. Përgatituni për ardhjen e Diellit dhe të Mërkurit, që do t’ju japin gjallëri dhe entuziazëm, duke jua bërë të veçantë këtë moment. Të shtunën do të mirëprisni Hënën e re në shenjën tuaj, e cila duket se do t’jua bëjë edhe më të këndshme të tashmen. Gjatë këtyre ditëve do të jeni plot ide, do të ndërmerrni iniciativa dhe do të përjetoni risi që duken absolutisht të mundura për të gjithë ju.
Luani
Do të donit t’i përjetonit këto ditë si luanë të vërtetë, pa u treguar asnjëherë të rëndomtë, por qielli ofron edhe momente qetësie. Ashtu siç bëjnë japonezët, mësoni edhe ju të vlerësoni momentet e pauzave, ku do t’ju duhet thjesht të prisni që gjërat të ndodhin, por pa u ndier të padobishëm. Harrojini për një moment synimet dhe objektivat tuaja ditën e martë dhe shijoni qetësinë, sepse të shtunën do të rigjeni të gjithë energjinë dhe pasionin e nevojshëm që ju nevojitet për të vazhduar përpara.
Virgjëresha
Pas angazhimeve të shumta profesionale, duke filluar që nga dita e mërkurë do të ndiheni më në formë, më të çliruar nga detyrimet dhe më të lirshëm për të vendosur. Dielli do t’ju ndihmojë për të gjetur entuziazmin e nevojshëm në angazhimet tuaja dhe në marrëdhëniet me të tjerët. Të shtunën, më në fund, falë ndikimit të Hënës së re do të mund të shfrytëzoni energjinë e madhe që ju dhuron Marsi për të ndërmarrë një iniciativë që ka të bëjë dhe me një person të afërt me ju.
Peshorja
Çfarë ndodh kur papritur një situatë që dukej e favorshme për ju kthehet në sfidë, ku do t’ju duhet të tregoni se çfarë jeni në gjendje të bëni? Do ta zbuloni këtë ditën e mërkurë kur Dielli dhe Mërkuri do t’ju dhurojnë energji, duke iu përkushtuar kësisoj punës dhe çështjeve praktike. Yjet ju këshillojnë të mos ia vini shumë veshin Neptunit, por të tregoheni të vëmendshëm në mënyrë që të mos gjendeni të papërgatitur. Të shtunën do të merrni sërish në dorë frerët e jetës tuaj dhe do të ndiheni të aftë të bëni gjëra të mëdha dhe të merrni përsipër iniciativa të rëndësishme.
Akrepi
Bëni durim nëse gjatë këtyre ditëve Venusi jua ndërlikon situatën në aspektin e ndjenjave, sepse tani mund të mbështeteni te miqtë tuaj, të cilët do t’ju ndihmojnë. Do të vendosni të reagoni andej nga dita e martë dhe e mërkurë kur Dielli dhe Mërkuri do të bëhen aleatët tuaj, duke ju ndihmuar të shkëlqeni në çështjet praktike, në aspektin profesional dhe për sa u takon shpenzimeve tuaja. Do të vendosni ekuilibrin në situatat që nuk i toleroni dot. Megjithatë, në fundjavë do t’ju duhet të pranoni rolin e rëndësishëm të dikujt në jetën tuaj edhe pse kjo mund t’jua prishë humorin.
Shigjetari
Shijojeni ndikimin pozitiv të yjeve gjatë kësaj jave. Duke filluar nga dita e mërkurë Dielli dhe Mërkuri nuk do të përbëjnë më një sfidë dhe ju do të ndiheni entuziastë, të gjallë dhe plot ide, madje do ta shfaqni hapur dashurinë. Do të mund të qartësoni mendimet për disa çështje që i kishit lënë mënjanë ose që i kishit pranuar pa kushte. Bëni kujdes vetëm në fundjavë kur Marsi do të vërë disi në hije Jupiterin duke krijuar tensione dhe duke ju bërë të ndiheni pesimistë.
Bricjapi
Yjet do të përbëjnë sfidë për ju gjatë kësaj jave. Përveç shijes së keqe që do t’ju lërë ndikimi i Marsit dhe i Jupiterit, do të përballeni dhe me sfidat e Diellit dhe të Mërkurit, duke ju detyruar të rishikoni një çështje ku janë të përfshirë dhe persona të tjerë. Mos i kushtoni shumë rëndësi stresit që ju shkaktohet si pasojë e ndikimit të Marsit dhe përpiquni të tregoheni të qetë. Situata në fundjavë paraqitet më e mirë, ku Hëna dhe Venusi do të ndikojnë pozitivisht në shenjën tuaj dhe do të merreni me gjërat vërtet të rëndësishme.
Ujori
Jeni shenja më origjinale dhe antikonformiste e të gjithë zodiakut dhe ju e dini mirë këtë. Prandaj nuk do të habiteni fare që me fillimin e sezonit të verës, ditën e mërkurë, që është dhe sezoni i çlodhjes, ju do të ndiheni më të ngarkuar. Yjet dhe planetët do t’ju detyrojnë të bëni disa ndryshime. Për fat, nën ndikimin e Venusit, nuk do ta humbisni optimizmin dhe nuk do të bëheni cinikë. Bëni kujdes në fundjavë që të mos ua vini veshin atyre që duan t’ju mbushin mendjen se s’keni për t’ia dalë mbanë, sepse nuk është aspak e vërtetë.
Peshqit
Me fillimin e sezonit të verës ditën e mërkurë, ju do të ndiheni optimistë dhe entuziastë. E gjithë kjo për meritë të ndikimit të Diellit dhe të Mërkurit që ju dhurojnë energjinë e nevojshme duke jua gjallëruar jetën tuaj sociale. Diçka e paparashikuar mund të bëjë që të jeni të favorizuar në aspektin e ndjenjave dhe të mirëprisni me entuziazëm një eveniment. Fundjava është premtuese për ju dhe do të jeni të gatshëm të ndërmerrni iniciativa duke e bërë kështu çdo gjë brilante dhe unike.
