Dashi
Venusi do të jetë në pozicion të favorshëm për të lindurit e shenjës së Dashit deri ditën e shtunë. Më pas gjendja do të ndërlikohet, prandaj është e këshillueshme që t’i zgjidhni problemet me partnerin përpara kësaj dite, qoftë dhe duke hapur biseda që do të parapëlqenit t’i shmangnit. Ditët më me fat të javës do të jenë e mërkura dhe e enjtja, prandaj lëreni çdo gjë të rëndësishme për atëherë.
Demi
Nëse kishit vërejtur ndonjë lloj ftohtësie te partneri, përgatituni sepse do të vijnë ditë të nxehta. Pozicionimi i favorshëm i Venusit në shenjën e Gaforres ditën e shtunë do t’ju sjellë shumë fat të lindurve të shenjës së Demit, që jepen në dashuri me gjithë shpirt. Falë Mërkurit që ka kaluar në shenjën tuaj, parashikohen rezultate të shkëlqyera në aspektin profesional. Ditët me shumë fat janë e hëna dhe e marta.
Binjakët
Mund t’i shijoni këto ditë në maksimum, sepse Venusi ka kaluar në pozicion të favorshëm për të lindurit në shenjën e Binjakëve. Nëse jeni njohur me një njeri të veçantë, tani keni rastin të zbuloni nëse është personi i duhur për ju. Për beqarët parashikohen takime interesante të mërkurën dhe të enjten, atëherë kur Hëna do të jetë në pozicion të favorshëm për këtë shenjë. Për sa i përket aspektit profesional, do të merrni lajme të mira dhe do të vlerësoheni sipas meritave.
Gaforrja
Ky do të jetë një sezon i mbarë në aspektin sentimental për të lindurit në shenjën e Gaforres. Ditën e shtunë Venusi do të kalojë në pozicion të favorshëm për shenjën tuaj dhe ju presin javë të mbushura me pasion ku dhe beqarët më kokëfortë do të kapitullojnë… Ata që janë në një lidhje do të fillojnë të mendojnë për hapin e radhës. Ditët me shumë fat do të jenë e premtja dhe e shtuna.
Luani
Mërkuri dhe Hëna janë në pozicion të pafavorshëm për shenjën e Luanit, prandaj parashikohen ditë të vështira në aspektin profesional. Ditën e hënë dhe të martë do të keni mosmarrëveshje me kolegët. Falë Venusit në shenjën tuaj do të keni mbështetjen e një personi të rëndësishëm për ju, sidomos të mërkurën dhe të enjten kur do të ndieni se jeni të rrethuar me dashuri. Dita me më shumë fat do të jetë e diela me Hënën në shenjë.
Virgjëresha
Edhe pse gjatë kësaj periudhe ndiheni të lodhur për shkak të zënkave të shumta me partnerin, mos u shqetësoni, sepse duke filluar nga dita e shtunë situata për të lindurit e shenjës së Virgjëreshës do të ndryshojë. Më datë 19 Venusi do të kalojë në pozicion të favorshëm për ju dhe më në fund do të gjeni qetësinë e munguar. Për beqarët parashikohen takime interesante. E mërkura dhe e enjtja do të jenë ditë disi të sikletshme. Situata do të përmirësohet të premten dhe të shtunën.
Peshorja
Mërkuri ka kaluar në pozicion të favorshëm për shenjën e Peshores dhe pak nga pak gjërat po marrin për mirë. Situata do të përmirësohet dukshëm në aspektin profesional dhe të mërkurën ose të enjten mund të merrni një lajm të mirë. Bëni kujdes të mos nervozoheni ditën e premte dhe të shtunë, sepse në datën 19 Venusi do të kthehet në pozicion të pafavorshëm për këtë shenjë e mund të keni mosmarrëveshje me partnerin.
Akrepi
Ditën e shtunë Venusi do të kalojë në shenjën e Akrepit dhe për të lindurit e kësaj shenje do të fillojë një periudhë e mbushur me pasion. Për fat do të keni mbështetjen e dikujt, sepse për shkak të pozicionimit të Mërkurit mund të hasni ndonjë pengesë në aspektin profesional. Bëni kujdes ditën e hënë dhe të martë, kur edhe Hëna do të jetë kthyer në pozicion të pafavorshëm për shenjën tuaj.
Shigjetari
Të lindurit në shenjën e Shigjetarit pritet të marrin lajme të shkëlqyera. Duke filluar nga dita e shtunë, Venusi do të kthehet në pozicion të favorshëm për këtë shenjë. Vuajtjet shpirtërore do të marrin fund dhe ju do të gjeni sërish qetësinë e humbur. Të mërkurën dhe të enjten mund të hasni ndonjë vështirësi, sepse Hëna do të jetë kthyer në pozicion të pafavorshëm. Nëse mundeni, zënkat lërini për në fundjavë.
Bricjapi
Të shtunën Venusi do të kthehet në pozicion të pafavorshëm për shenjën e Bricjapit, prandaj situata nuk parashikohet fort e mirë për javët në vazhdim. Përplasjet me partnerin mund të jenë të vazhdueshme dhe nëse lidhja nuk është e fortë, mund të prishet. Për fat, gjërat në aspektin profesional po ecin mbarë. Mërkuri është kthyer në pozicion të favorshëm për shenjën tuaj dhe shumë gjëra që kishin mbetur në vend numëro do të gjejnë zgjidhje.
Ujori
Të lindurit në shenjën e Ujorit mund të hasin ndonjë vështirësi në aspektin profesional, për shkak të shkak të kthimit të Mërkurit në pozicion të pafavorshëm. Situata rëndohet edhe më shumë për shkak të pozicionimit të Hënës ditën e hënë dhe të martë. Gjendja do të përmirësohet të mërkurën dhe të enjten, sepse falë pozicionimit të favorshëm të Venusit situata në aspektin sentimental do të përmirësohet.
Peshqit
Situata në aspektin sentimental për të lindurit në shenjën e Peshqve nuk ka qenë dhe aq e mirë. Ju jepeni me mish e me shpirt në dashuri, prandaj Venusi do t’ju shpërblejë. Duke filluar nga dita e shtunë, falë ndikimit të tij pozitiv shumë zemra të thyera do të shërohen dhe do të kthehet qetësia në çift. Për beqarët parashikohen takime interesante. Ditët më me fat të javës do të jenë e premtja dhe e shtuna. Ato më me pak fat, e mërkura dhe e enjtja.
