Dashi
Marsi, planeti mik i shenjës tuaj, do t’ju ndihmojë të kompensoni dobësinë që ndieni duke u treguar më praktikë, duke ju ndihmuar të ndiheni më energjikë dhe të aftë për të shfrytëzuar burimet e tjera. Kurse nën ndikimin e Mërkurit do të keni ide brilante dhe do t’i kuptoni më mirë gjërat në ditët në vazhdim. Këtë javë do ta gjeni veten në situata disi të ndërlikuara ndërkohë që jeni në pritje që në stinën tuaj të favorshme, domethënë në pranverë, të ndiheni më energjikë. Lejojini vetes një javë reflektimi që të ndiheni më mirë në të tashmen.
Demi
Duket se duhet të angazhoheni seriozisht për diçka, duke lënë në plan të dytë çështjet praktike në mënyrë që të mos gaboni. Sa keq! Është e rëndësishme që të reflektoni paksa, në mënyrë që të realizoni objektivat tuaja dhe t’u jepni zgjidhje disa problemeve. Dhe nëse të premten, nën ndikimin e Saturnit do të ndieni se i keni ulur ritmet, pa e kuptuar arsyen, të shtunën Mërkuri do t’ju ndihmojë të kuptoni arsyen e kësaj qetësie dhe nevojën që ndieni për të mos u treguar të rrëmbyer.
Binjakët
Nën ndikimin e Mërkurit do t’u jepni fund disa çështjeve që duket se nuk ju çonin gjëkund dhe nuk sillnin asnjë rezultat konkret. Mërkuri do të zhvendoset pikërisht të hënën, tamam në kohë për ta filluar javën në mënyrën më të mirë dhe me kthjelltësinë e duhur. Nuk duhet t’ju trembë qetësia që ju ka përfshirë dhe ritmi me të cilin i bëni gjërat, sepse mund t’ia lejoni vetes. Është interesant bashkëveprimi që do të ndodhë mes Mërkurit dhe Venusit të shtunën, duke ju dhënë kështu mundësinë që ta shijoni plotësisht argëtimin dhe kohën e kaluar me miqtë.
Gaforrja
Nën ndikimin e Mërkurit, planetit të ideve dhe të mendimeve të thella, do të jeni të detyruar të përballeni me inteligjencë me gjithçka, ose më mirë le të themi me gjithçka që ka të bëjë me rritjen tuaj profesionale. Do ta bëni këtë dhe atëherë kur të tjerët mund të mos jenë shumë entuziastë për mënyrën si i analizoni gjërat dhe zgjidhjet që u jepni problemeve. Në fundjavë, zemra dhe truri juaj do të veprojnë në sintoni, duke ju lejuar kështu që ta kaloni momentin e pushimit në paqe, pa e ndier presionin përreth.
Luani
Ky do të jetë sezon i favorshëm për ju dhe do të ndiheni më mirë shpirtërisht. Në ditët në vazhdim do t’ju vijë në ndihmë planeti Mërkur, duke ju favorizuar në raportet tuaja, në çështjet praktike, materiale, ekonomike. Kështu nuk do të shkojë kot i gjithë mundi dhe angazhimi juaj. Bëni kujdes të premten kur Dielli e Saturni mund të ndikojnë për keq në lidhjet tuaja më intime. Situata do të jetë shumë më e mirë në fundjavë, sepse papritmas do të kuptoni si të përballeni me diçka të rëndësishme dhe si t’u jepni zgjidhje problemeve.
Virgjëresha
Më në fund, Mërkuri do të kalojë në shenjën tuaj dhe kjo do të ndikojë për mirë, sepse ju përfaqësoheni nga ky planet. Kështu do të ndiheni më të ekuilibruar dhe raportet tuaja do të përmirësohen. Bëni durim, sepse nën ndikimin e Saturnit do të ndiheni disi në siklet dhe s’do të mund të jepni maksimumin tuaj, duke u përpjekur të mos gaboni. Të shtunën, nën ndikimin e Venusit dhe Mërkurit, do të mund të angazhoheni seriozisht për të ndihmuar të tjerët, ndoshta edhe për çështjet që s’kanë lidhje drejtpërsëdrejti me ju. Ndoshta për këtë arsye dikush do të ndihet keq.
Peshorja
Ky është momenti i përshtatshëm që të shpreheni lirshëm, sepse nën ndikimin e Mërkurit do të veproni në momentin e duhur dhe do të gjeni fjalët e përshtatshme për të thënë. Askush s’ka për t’ju keqkuptuar apo që të mos arrijë t’ju kuptojë. Falë ndikimit të yjeve do të jeni të përqendruar te të tjerët duke treguar mirëkuptim reciprok. Nën ndikimin e Mërkurit do të ndiheni të lehtësuar për pasiguritë e momentit dhe do ta keni atë si pikë referimi për të arritur atje ku doni. E shtuna do të jetë dita e përshtatshme për t’i qartësuar gjërat, edhe pse mund të mos ju pëlqejë gjithmonë.
Akrepi
Gjatë kësaj jave do të përqendroheni më shumë te të tjerët dhe te gjithçka që ju rrethon dhe nuk do të jeni subjekt i tekave të yjeve. Mundohuni që të mos ndikoheni shumë prej Saturnit, i cili mund të bëjë që t’ju krijohet ideja sikur i keni duart të lidhura dhe t’ju duket vetja të paaftë për të vepruar dhe për të arritur atë që dëshironi. Të shtunën, një person i afërt për ju, do të tregohet i gatshëm për të biseduar, duke ju dhënë mundësinë që të shpreheni për të thënë diçka të rëndësishme
Shigjetari
Kjo do të jetë një javë pozitive për të lindurit e kësaj shenje, sepse duke filluar që nga dita e hënë, Mërkuri do të bëhet mik dhe aleat për ta. Kështu marrëdhëniet me të tjerët do të bëhen më të lehta. Merrni kohën e duhur për t’i organizuar gjërat. Bëjeni këtë dhe të premten kur nën ndikimin e Saturnit mund t’ju bjerë disi entuziazmi. Më pas në fundjavë, nën ndikimin e Vensuit, do të përjetoni një situatë të këndshme dhe do të jeni në harmoni me personat që i keni për zemër.
Bricjapi
Kjo javë do t’i gjejë të lindurit nën shenjën e Bricjapit me dëshirën për të udhëtuar, për të përballuar sfida të reja, përveç nevojës që do të ndiejnë për të reduktuar angazhimet. Për fat, do të vazhdoni ta shijoni miqësinë e Marsit, i cili ju dhuron energji dhe forcën e nevojshme për të shijuar të tashmen. Bëni kujdes të premten, atëherë kur nën ndikimin e Diellit mund t’ju bjerë entuziazmi, sepse mund të mos keni shumë fat në aspektin financiar. Parashikohet një fundjavë e qetë, gjatë së cilës do të merrni këshilla të vlefshme për të ardhmen.
Ujori
Nëse gjatë javës së kaluar ishin personat pranë jush ata që ndienin nevojën për t’u shprehur, gjatë ditëve në vazhdim, falë ndikimit të Mërkurit, do të jeni ju ata që do të keni më shumë dëshirë për të folur. Heshtja duket si një luks i largët për ju dhe si diçka e dalë mode, sepse tani i rëndësishëm është dialogu. Por ama mos u shpërqendroni shumë, sepse të premten nën ndikimin e Diellit dhe të Saturnit mund të krijohen tensione mes jush dhe personit tuaj të zemrës, ose me ndonjë bashkëpunëtorin tuaj. Bëni kujdes me mënyrën si shpreheni. Parashikohet një fundjavë emocionuese.
Peshqit
Nganjëherë e presim me gëzim largimin e dikujt, ndoshta dhe të një planeti. Mërkuri nuk ndikon asnjëherë dhe aq mirë për të lindurit e shenjës së Peshqve dhe largimi i tij ka për t’ju pëlqyer. Sepse kështu do të ndieni më pak presion për çështjet që kanë të bëjnë me aspektin personal dhe profesional. Ky normalitet do t’ju ndihmojë të çlodheni dhe që ta përjetoni më qetësisht të tashmen. Mos u merrni të premten me çështjet që nuk mund t’u jepni zgjidhje dhe mos bëni shpenzime që s’i përballoni dot. Shijoni të shtunën miqësinë e njerëzve të dashur për ju, duke bërë që fundjava juaj të jetë pozitive.
