Dashi
Duket se yjet e kësaj jave e vënë theksin mbi cilësinë e raporteve tuaja. Falë ndikimit të Mërkurit do të jeni më komunikues me të tjerët dhe do ta kuptoni më mirë personin përballë jush. Sa keq që nuk do të jenë edhe ata kaq të hapur ndaj jush, duke krijuar kështu keqkuptime. Për fat nuk është asgjë serioze dhe mundohuni të tregoheni sa më optimistë edhe për gjërat që ndoshta nuk i keni shumë të qarta.
Demi
Gjatë kësaj jave do të jeni në shoqërinë e Venusit dhe për pasojë do të përjetoni një moment të ëmbël. Shijojeni praninë e rrallë të planetit tuaj, duke u lutur për forcë, dashuri dhe respekt. Ndoshta duhet t’i lini për më vonë disa çështje. Ruhuni të premten nga një person mik, i cili mund të bëjë gabime vlerësimi dhe të ndjekë si rrjedhojë rrugën e gabuar. Kjo nuk këshillohet as për ju.
Binjakët
Mërkuri, ashtu siç ndodh shpesh, do të bëjë gjithçka për të tërhequr drejt jush vëmendjen e yjeve. Si pasojë e ndikimit të tij do të ndiheni të favorizuar të martën në fushën e ndjenjave, por të mërkurën do të jeni viktima të pavetëdijshme të një gabimi. Të enjten do të ndieni peshën e gjërave që ju zbehin entuziazmin, kurse të dielën do të ndiheni disi jotolerantë ndaj rregullave dhe detyrimeve. Kjo do të jetë një javë e favorshme për ju, gjatë së cilës do të ndiheni protagonistë.
Gaforrja
Nxitimi është gjithmonë një këshilltar i keq, sidomos kur njerëzit nuk i kanë idetë e qarta dhe nuk kanë objektiva të përcaktuara mirë. Këtë e dinë mirë të lindurit e shenjës së Gaforres, të cilët janë gjithmonë me nxitim si pasojë e ndikimit të Marsit. Falë largimit të Neptunit nga shenja juaj do të ndiheni më konfuzë dhe kontradiktorë. Këshilla e përshtatshme në këtë rast do të ishte që të mos nxitoheshit dhe të merrni kohën e nevojshme për të vepruar, në mënyrë që të mos gaboni. Ju mund t’ia lejoni vetes.
Luani
Gjatë ditëve në vazhdim do të ndiheni në humor të mirë dhe do të jeni të aftë të bëni gjëra të mëdha. Mërkuri, aleat i shenjës tuaj, do t’ju japë forcë për t’ia dalë mbanë. Kurse largimi i Diellit dhe i Saturnit ditën e enjte nga shenja juaj mund t’ju shkaktojë tensione të mundshme me njerëzit e dashur dhe me bashkëpunëtorët tuaj. Përpiquni që t’u lini liri për të vepruar edhe të tjerëve. Të dielën do të mund të shpreheni lirshëm, por ndonjëherë mund edhe ta teproni me reagimet tuaja.
Virgjëresha
Mërkuri i fortë dhe dominues në shenjën e Virgjëreshës do t’ju bëjë të ndiheni në qendër të vëmendjes, në pozicion të dukshëm e të privilegjuar. Sa keq që ju nuk vuani për të qenë protagonistë dhe për rrjedhojë vëmendja e madhe mund t’ju bezdisë. Do t’ju ecë mbarë në aspektin e ndjenjave ditën e martë, por bëni kujdes të premten, kur me largimin e Neptunit nga shenja juaj do të ndieni se diçka po ju shpëton dhe se nuk e keni ju situatën në kontroll. Duhet të mësoheni me faktin se përsosmëria nuk ekziston.
Peshorja
Përse t’i prishni punë vetes duke u treguar pesimistë, kur në fakt situata premton për mirë? Tani Jupiteri lëviz sërish rreth shenjës tuaj, duke ju shtuar rastet e favorshme dhe mundësitë, kurse Mërkuri do t’ju bëjë të besoni se gjëra të bukura ju presin. Me pak fjalë, filloni të mendoni për çështjet që kanë vërtet rëndësi dhe mundohuni të anashkaloni tensionet e shkaktuara si pasojë e ndikimit të Marsit, sepse nuk janë këto forcat ku duhet të bazoheni për momentin. Bëhuni ambiciozë.
Akrepi
Gjatë ditëve në vazhdim mundohuni të mos tregoheni shumë të nxituar dhe të mos e kaloni masën. Sepse nëse si pasojë e ndikimit të Marsit do të ndieni nevojën për të ndryshuar, si pasojë e ndikimit të Neptunit do të jeni të prirur për të gabuar. Zgjidhja për këtë është që të mos e nënvlerësoni veten e të mendoni se nuk jeni në lartësinë e duhur, sepse s’është aspak e vërtetë. Kështu duhet të merrni kohën e nevojshme për të vepruar, për të dalluar stimujt e gabuar dhe për të ndjekur drejtimin e duhur.
Shigjetari
Të lindurit e shenjës së Shigjetarit gjatë ditëve në vazhdim do të përballen me njerëz të fortë e të vendosur, por edhe të vështirë për t’u kuptuar. Të martën do t’ju ecë mbarë në aspektin e dashurisë, por më pas do të hasni vështirësi në komunikim. Të enjten do të keni dëshirë të tregoheni të dashur me dikë pranë jush, por diçka do t’ju pengojë. Ndryshe do të jetë situata në fundjavë ku do të duhet të shfaqni një forcë që me siguri e keni, por që është e vështirë për ta vënë në praktikë. Kini më shumë besim te vetja.
Bricjapi
Marsi dhe Jupiteri do të ndikojnë në shenjën tuaj gjatë kësaj jave dhe ju do të ndiheni nevojën për të bërë më shumë. Të lindurit e shenjës së Bricjapit nuk po mërziten aspak gjatë kësaj periudhe, përkundrazi stimujt janë të shumtë. E rëndësishme është që të tregoheni racionalë, jo impulsivë dhe të bëni kujdes për hapat që hidhni. Tregoni veçanërisht kujdes të enjten e të dielën, sepse gjatë mesit të javës do të keni rënie të energjisë, kurse në fundjavë do t’ju mungojnë idetë për të gjetur zgjidhje dhe kjo gjë s’ka për t’ju pëlqyer.
Ujori
Yjet ju ftojnë të punoni pa përtesë dhe të lini mënjanë frikërat, në mënyrë që të argëtoheni në praninë e njerëzve tuaj të dashur dhe që i keni për zemër. Nëse e kërkoni kënaqësinë, me siguri do ta gjeni. Qëndroni në shoqërinë e miqve tuaj dhe kthehuni në shtëpi më vonë se zakonisht. Bëni kujdes ditën e enjte, sepse shpirti juaj i lirë mund të bezdisë dikë. Mundohuni të mos bëni komente të dielën nëse shikoni se dikush po sillet në mënyrë të pakuptueshme.
Peshqit
Ndërkohë që njerëzit pranë jush do të bëjnë një jetë aktive, ju do t’ju duhet të sqaroni gjendjen tuaj të pasigurisë si pasojë e ndikimit të Neptunit. Kjo është për të ardhur keq, sepse gjatë ditëve të mesit të javës dikush do të dojë t’ju përfshijë në këto iniciativa, por ju duhet të bëni kujdes, sepse jo gjithmonë do t’i keni gjërat të qarta. Prandaj kujdesi është i detyrueshëm në mënyrë që të mbroheni nga të papriturat. Në praninë e Neptunit iluzionet dhe mirazhet do të jenë më të shpeshta.
