Dashi
Ndërkohë që do të filloni të gjeni sërish besimin në vetvete, falë dhe ndikimit pozitiv të Venusit, papritur do të filloni të kuptoni më mirë realitetin që ju rrethon. Kështu, raportet tuaja do të bëhen më cilësore dhe do ta gjeni veten mirë në shoqërinë e të tjerëve, duke fituar simpatinë e njerëzve që ju rrethojnë. Nuk do t’ju duket aspak si detyrim zgjidhja e një çështjeje praktike, por që nuk mund ta lini pas dore. Më pas përgatituni për një fundjavë të qetë në përputhje dhe me qetësinë tipike të kësaj stine.
Demi
Falë ndikimit të Venusit, ju s’do të keni shumë dëshirë të bini në sy këto kohë. Do të ndiheni të fortë dhe do t’i bëni gjërat me entuziazëm duke e ngjyrosur të tashmen tuaj me nota optimizmi. {ërjetoni të gjithë optimizmin dhe gjallërinë e nevojshme për t’u ndier mirë. Diku nga mesi i javës situata do të përmirësohet në mënyrë të papritur për ju.
Binjakët
Forca që do t’ju dhurojë Marsi gjatë kësaj periudhe mund të përbëjë problem për ju për faktin e thjeshtë se s’do të dini ta shfrytëzoni në mënyrë frytdhënëse. Por situata do të zhbllokohet andej nga dita e mërkurë, atëherë kur planeti Mërkur do të largohet nga shenja juaj, duke bërë kështu që t’i keni idetë më të qarta. Papritur do ta keni të qartë çfarë ju nevojitet për të reaguar dhe Marsi do të përfaqësojë për ju forcën e nevojshme që ju duhet për të ushqyer pasionet dhe ambiciet tuaja. Në fundjavë do të përjetoni një situatë kaotike që nuk do të përbëjë fare problem për ju.
Gaforrja
Pas një fillimi jave plot gjallëri, si pasojë e ndikimit të Hënës në shenjën tuaj, më në fund, duke filluar që nga dita e mërkurë, të lindurit e shenjës së Gaforres do t’i kenë idetë të qarta dhe do të tregohen të kuptueshëm. Në njëfarë mënyre do ta gjeni veten duke deshifruar hieroglifët e qiellit, ato që nuk ju orientojnë shumë për të tashmen, për të gjetur sigurinë dhe dëshirën për të bërë përpara. E gjithë kjo do të ndodhë si pasojë e ndikimit të Mërkurit. Mos ju bëni pengesë një mikut tuaj nëse veprimet e tij do të jenë disi të paqarta. Fundjava do të karakterizohet nga qetësia.
Luani
Megjithëse kjo mund të mos jetë java më e rëndësishme e vitit për ju, s’do të mungojnë stimujt për ta bërë më të këndshme të tashmen. Duke filluar nga dita e mërkurë do të jetë planeti Mërkur që do t’ju ndihmojë për sa u takon çështjeve praktike. S’do t’i thoni dot “jo” një pushimi dhe javën e parë të majit do ta mbyllni me sukses. Ishte pikërisht ajo që ju duhej.
Virgjëresha
Pas një periudhe pështjellimi, që të lindurit nën shenjën e Virgjëreshës nuk e vlerësojnë shumë, duke filluar që nga kjo javë, Mërkuri do të ndikojë që të keni logjikën e nevojshme për të qenë në harmoni me gjithçka. Duke filluar nga dita e mërkurë është momenti kur do të shikoni përpara dhe do të bëni zgjedhjet e duhura. Por menjëherë më pas, nën ndikimin e Neptunit, gjërat do të bëhen disi kaotike, por bëhet fjalë thjesht për një energji që do të shërbejë për të ç’dramatizuar situatën tuaj.
Peshorja
Mesazhe, fjalë, shkëmbime e gjeste. Gjithçka varet në mënyrë të pashmangshme nga aftësia juaj për të bashkëvepruar me të tjerët dhe për të këmbyer ide. Duket se Mërkuri, planeti që i drejton këto aktivitete, do të ndikojë në përmirësimin e gjithçkaje, duke ju ndihmuar të shpreheni mirë pa i lënë vend keqkuptimeve. Ky është një lajm i shkëlqyer për të lindurit e shenjës së Peshores, sepse kjo juaja është shenja e raporteve të mira. Dikush do të shfaqë energji dhe vendosmëri për të çuar përpara një projekt, një detyrë.
Akrepi
Marsi ka ndikuar që të humbnit nga fokusi interesat tuaja, prioritetet, duke ju detyruar të mendoni më tepër seç duhet për të tjerët dhe më pak për veten tuaj. Por në ditët në vazhdim, nën ndikimin e Diellit, do të dini t’i ktheni energjitë nga vetja juaj. Ndërkohë, duke filluar nga dita e mërkurë, nën ndikimin e planetit Mërkur do të merreni me çështjet praktike dhe ekonomike, të cilat më parë kishit vështirësi për t’i zgjidhur. Dihet që gjithçka ka kohën e vet.
Shigjetari
Kur Marsi ju detyron të angazhoheni dhe të përqendroheni te personat pranë jush, është shumë e rëndësishme të merreni me ata që ju kuptojnë dhe me të cilët mund të bashkëpunoni. Do të jetë pikërisht nën ndikimin e Mërkurit që andej nga mesi i javës do të keni të bëni me persona të logjikshëm, objektivë dhe që mund ta vërejnë angazhimin tuaj. Raportet me të tjerët do të jenë të shkëlqyera dhe do të gjeni kënaqësinë e bërjes së gjërave në shoqërinë e të tjerëve. Dhe ndërkohë që bashkëveprimi do të jetë i rëndësishëm, ju do të përjetoni dhe mirëqenie fizike.
Bricjapi
Ju pëlqen t’i bëni gjërat me qetësi, në mënyrë të rregullt dhe rigoroze. Kështu yjet do t’ju dëgjojnë dhe do t’ju ndihmojnë të vini theksin te prioritetet tuaja. Duke filluar nga dita e mërkurë, planeti Mërkur do të ndikojë që të veproni me logjikë dhe të jeni të qartë në ato që bëni. Dielli do të ndikojë që të zbaviteni dhe të bëni gjërat që ju pëlqejnë. Nën ndikimin e Mërkurit do të gjeni sërish qartësinë dhe do t’i lejoni vetes diçka më shumë. Fundjava do të jetë e qetë për ju.
Ujori
Gjithçka do të përqendrohet në ditët e mesit të javës, tek e mërkura dhe e enjtja. Sepse duke filluar nga dita e mërkurë, të lindurit e kësaj shenje, nën ndikimin e planetit Mërkur do të mund të shprehen më mirë. Të enjten, një person i veçantë për ju, ndoshta partneri, do të përjetojë një pasion dhe energji të veçantë, që do të ndikojnë dhe në humorin tuaj. S’ju mbetet veçse t’i besoni kujdesit të yjeve pa u shqetësuar shumë për të nesërmen. Të lindurit e kësaj shenje janë njerëz fatalistë.
Peshqit
Keni mbetur vetëm në shoqërinë e Neptunit dhe dyshimeve të shumta që ju shkaktohen si pasojë e ndikimit të tij. Do të drejtoheni diku tjetër për të gjetur ide dhe iniciativa. Andej nga mesi i javës, Mërkuri do t’ju ndihmojë në komunikimin me të tjerët, të cilët janë njerëz të logjikshëm. Do të gjeni sërish kënaqësinë e të biseduarit dhe do të shfaqni pasionin dhe energjinë që do t’ju karakterizojë në fundjavë. Kështu, megjithëse duket e pabesueshme, fundjava do të jetë e veçantë.
