Dashi
Qielli i kësaj jave premton për të lindurit e shenjës së Dashit një javë plot energji dhe do të ndieni dëshirën për t’u treguar të gjithëve vendin e tyre. Do të duroni të hënën disa njerëz acarues, ndërsa e marta do të jetë një ditë speciale për ju. Në këto momente, Marsi do të jetë mik i kësaj shenje dhe do t’ju japë energjinë e nevojshme për të sqaruar pozicionin dhe mendimet tuaja. S’do t’ua vini veshin atyre që duan t’ju pengojnë në fundjavë. Kjo do të jetë një javë pozitive për ju dhe asgjë s’mund t’jua prishë.
Demi
Tani që Marsi nuk ua ndërlikon më punët, të lindurit e shenjës së Demit mund të shijojnë të lumtur kohën e pushimeve. Do të ndiheni pak të paduruar ditën e hënën, por nuk do ta teproni. Hëna e re e ditës së martë do të bëjë që t’ju kthehet humori dhe do të kaloni një periudhë të këndshme. Do të përjetoni emocione pozitive falë kalimit të Venusit në këtë shenjë në ditën e pestë të javës. Të dielën, falë bashkëveprimit mes Marsit e Venusit do të gjeni forcën e nevojshme për të thënë atë që mendoni.
Binjakët
Këtë javë të lindurit e shenjës së Binjakëve, nën ndikimin e Venusit, do të dinë të pajtojnë nevojat personale me ato të të tjerëve. Sidomos, sepse pozicioni i kundërt i Marsit që fillon ditën e martë rrezikon t’ju bëjë pak si tepër të drejtpërdrejtë e spontanë me njerëzit që keni pranë. Tregoni që keni ende një dozë durimi e diplomacie dhe merruni me angazhimet tuaja përpara ditës së premte, atëherë kur Venusi do t’jua ndërlikojë punët. Nuk do ta duroni rrëmujën në fundjavë dhe do ta keni të vështirë të kuptoni çfarë doni në të vërtetë.
Gaforrja
Pavarësisht se ka ardhur sezoni i verës, ditët në vazhdim, falë ndikimit të yjeve, do të jenë plot angazhime. Do të dëshironi të ndiheni të dobishëm ditën e hënë. Kurse të martën do të tregoheni të kujdesshëm dhe të vendosur, sepse hëna e re do t’ju bëjë më të aftë në zgjedhjet tuaja. Fatmirësisht, dita e premte do të jetë më e qetë, atëherë kur Venusi do t’ju ndihmojë të shijoni aspektet më pozitive të momentit. Kështu, për shkak të fillimit të verës do të kaloni nga një gjendje plot aktivitete në një gjendje pushimi.
Luani
Si mundeni ju, që jeni protagonistë të lindur, të mos ndiheni në qendër të vëmendjes tani që është sezoni juaj? Ky mision do t’ju bëhet më i lehtë nga yjet e kësaj jave. Sepse nëse të hënën Venusi do t’ju bëjë të tregoheni të hapur dhe origjinalë, në të njëjtën kohë nën ndikimin e Diellit do të mund të flisni hapur me njerëzit, të cilët janë të veçantë për ju. Kurse të martën, falë ndikimit të Hënës do të mund të merrni iniciativën. Jeni ju liderët e momentit. Ngadalësojini ritmet ditën e premte dhe përqendrohuni në diçka të rëndësishme, por pa e ekzagjeruar…
Virgjëresha
Pas një fillimi jave të qetë, të martën do të ndihet ndikimi i yjeve. Sidomos atëherë kur Marsi do të kalojë në shenjën tuaj dhe kjo mund të bëjë që të ndiheni nervozë. Të premten, me kalimin e Venusit në shenjën tuaj do të përjetoni një periudhë të mbushur me delikatesë dhe do të interesoheni për gjërat e bukura. Në fundjavë do të hasni disa vështirësi, sepse të shtunën Saturni do t’ju bëjë jotolerantë ndaj rregullave, kurse të dielën falë Neptunit mund t’ju ngatërrohen idetë. Me pak fjalë, do t’ju duhet të tregoheni të duruar.
Peshorja
Hëna, Venusi dhe dielli tregojnë se këtë javë miqtë do të jenë në qendër të vëmendjes tuaj. Të hënën, për shembull, nën ndikimin e Uranit do të jeni simpatikë dhe intrigues dhe kjo do të bëjë që partneri juaj të dëshirojë të kalojë kohë me ju. Të martën, me zhvendosjen e Marsit do të shfaqeni më të qëndrueshëm, entuziastë dhe të vendosur për të përjetuar gjërat dhe situatat emocionuese. Në fundjavë, humori juaj do të ndryshojë dhe nën ndikimin e Venusit do t’i ulni pak ritmet, sidomos të dielën kur dikush do të nervozohet me mënyrën tuaj të çuditshme të të vepruarit. Ulini ritmet.
Akrepi
Këto do të jenë momentet e fundit në shoqërinë e Marsit, miku juaj në qiell. Do të përjetoni gjithçka pa pasur frikën se s’do të keni forcën e nevojshme për t’i arritur gjërat. Shijojeni sidomos të martën shoqërinë e Marsit, sepse ai do të largohet nga shenja juaj në momentin kur hëna e re premton t’ju ndodhë diçka e padëgjuar më parë dhe interesante që ka lidhje me aspektin profesional dhe fatin tuaj. Të premten Venusi nuk do të ndikojë më në shenjën tuaj, prandaj ndërveprimi me të tjerët do të jetë diçka e natyrshme. Bëni kujdes nga keqkuptimet që mund të ndodhin ditën e diel.
Shigjetari
Ka ardhur momenti të ktheheni dhe të reagoni ndaj atyre që shfaqin forcë dhe siguri në vetvete, por që nuk paraqesin thelbin e vërtetë të gjërave. Ditën e martë, planeti Mars do të ndikojë në shenjën tuaj duke bërë që ky muaj të jetë i mbushur me forcë dhe pasion, të cilat duhen mbajtur nën kontroll. Duke filluar nga dita e premte, Venusi do të fillojë të ushtrojë ndikimin e vet dhe do t’ua bëjë më të vështira raportet me miqtë, ndoshta për shkak të ndikimit të Marsit, i cili do t’ju detyrojë t’u imponoheni të tjerëve shumë shpesh. Qëndroni në fundjavë pranë një personi që mund të ketë dyshime dhe dilema.
Bricjapi
Do të dini ta shijoni plotësisht këtë sezon dhe e tashmja do t’ju duket e këndshme dhe e larmishme. Do të jetë dielli ai që do të bëjë t’ju ndizet pasioni dhe të tregoheni të ndjeshëm ndaj risive të kësaj vere. Më pas, Venusi, mik i shenjës së Bricjapit, do të bëjë që të ndiheni më të përgjegjshëm. Do të mund t’i kushtoheni kënaqësisë së momentit pa u ndier fajtorë dhe pa hasur pengesa. Bëni kujdes të mos thoni diçka të gabuar të shtunën, sepse mund të krijojë keqkuptime dhe t’ua ndërlikojë raportet më të rëndësishme.
Ujori
Provoni të zgjidhni të hënën dhe të martën çështjet e mbetura pezull. Sqaroni gjithçka që prish cilësinë e lidhjeve tuaja. Mbase Hëna e re mund t’ju ndihmojë të merrni më lehtë iniciativat. Duke filluar nga e premtja do të përjetoni një situatë të qetë qiellore dhe raportet tuaja do të përmirësohen. Bëni kujdes si shpreheni ditën e shtunë, duke shmangur thashethemet dhe keqkuptimet e shkaktuara nga ndikimi i Mërkurit, që duket se po luan me shenjën tuaj.
Peshqit
Nuk mund të thuhet se gushti do të jetë një muaj i qetë për të lindurit e kësaj shenje. Të martën, pikërisht në ditën kushtuar Marsit, do të ndodhë që planeti i kuq të ushtrojë ndikimin e tij në shenjën tuaj. Ky fenomen do të zgjatë rreth një muaj. Kjo do të shkaktojë tension dhe do t’ju bëjë të nxitoheni për gjërat e rëndësishme dhe në të përditshmen tuaj. Por mos ua përçoni të tjerëve këtë energji, sepse mund të mos e kuptojnë. Mos u tregoni të nxituar në fjalë dhe veprime për të mos prishur harmoninë e fundjavës.
