Dashi
Një ndjenjë frike do ju shoqërojë ditën e sotme ju të lindurit në shenjën e Dashit. Mundohuni ta mbani sa më larg këtë ndjesi, sepse mund të bëhet pengesë për ju, si në fushën profesionale, ashtu edhe në atë personale. Qetësohuni dhe përpiquni të kuptoni vërtet çfarë ju shqetëson.
Demi
Hëna, Venusi dhe Plutoni janë vënë të gjithë bashkë në shenjën tuaj sot. Këtë bashkim do ta ndjeni më shumë në dashuri, sepse do jetë një ditë plot surpriza për ju. Pjesë në këtë ditë sigurisht që është edhe familja juaj, dhe kjo mënyrë e fillimit të javës do t’jua bëjë më të lehtë vazhdimin.
Binjakët
Do ta filloni të qetë ditën dhe gjithçka do ta merrni shumë lehtë. Përgjegjësia juaj në punë është e dukshme gjithmonë, por tregohuni disi të kujdesshëm sot, mos i besoni diçka shumë diskrete një personi tek i cili nuk keni shumë besim.
Gaforrja
Prej disa ditësh ju shqetëson një pyetje në mendje dhe po prisni mundësinë të shpreheni. Natyra juaj e qetë dhe shumë miqësore ju mundon shumë, dhe shpesh e gjeni veten mes dyshimeve. Këshilla jone është të flisni hapur dhe të mos e mundoni veten, kur shumë lehtë i keni mundësitë e komunikimit.
Luani
Falë negociatave që keni bërë kohët e fundit, gjendja juaj e financave do të ndryshojë me ritme goxha të mira dhe të shpejta. Kjo do jetë shtysa juaj më e madhe për të planifikuar një udhëtim pune, që do ju sjellë më shumë detaje si ta menaxhoni këtë përgjegjësi që keni.
Virgjëresha
Kjo javë nis me shumë ngarkesë për ju. Mënyra juaj e menaxhimit të situatave me të cilat përballeni bën që të gjitha përgjegjësitë t’ju mbeten juve. Zgjidhni personat e duhur për t’i mbajtur afër, dhe mos harroni: darkat kushtojuani familjes dhe partnerit.
Peshorja
Çështjet e punës do zënë pjesën më të madhe të ditës dhe javës suaj. Jeni liderë shumë të mirë, dhe jo më kot të gjithë ju kanë pikë referimi. Ajo që ne ju themi është të mos i merrni shumë emocionalisht disa çështje, sepse ndonjëherë përfshiheni më shumë se ç’duhet. Ndihmoni gjithmonë sa mundeni; kjo është kënaqësia juaj më e madhe.
Akrepi
Periudhë shumë e mirë ka qenë kohët e fundit për ju, ndaj vazhdoni ruajeni këtë ritëm sepse ju bën të ndiheni mirë edhe emocionalisht. Përkushtimin në çështjet profesionale e keni si më parë, por në vazhdim drejtuesit presin akoma më shumë nga ju. Kjo mund të jetë mundësia juaj, mos e humbni këtë rast!
Shigjetari
Në punë ju si shenjë jeni mjaft të përkushtuar dhe të zgjuar dhe asnjëri nga kolegët tuaj nuk mund t’jua hedhë dot poshtë këtë punë të palodhshme që bëni. Komplimentet do të kthehen nga e kaluara, por do të keni disa pagesa që duhet t’i kryeni sot të cilat do t’ju ulin humorin.
Bricjapi
Do të keni një marrëdhënie mjaft të konsoliduar me partnerin tuaj sot, ku do t’ju bëjë të kaloni momente mjaft të këndshme. Lini mënjanë çdo problem të ditës dhe përpiquni të fokusoheni vetëm në gjëra të bukura, duke e shfrytëzuar kohën tuaj të lirë në maksimum.
Ujori
Sekretet profesionale duhet të respektohen me përpikëri, pasi mund t’ju sjellin pengesa në disa çështje që keni planifikuar. Tregohuni sa më konfident me kolegët dhe miqtë, duke u shprehur të lirshëm me ta, pasi mund t’ju vijnë në ndihmë për arritjet profesionale. Kini kujdes me shëndetin, pasi rrezikoheni nga virozat e stinës.
Peshqit
Planeti i Neptunit nuk ju vjen shumë në ndihmë, por kjo do t’ju çojë shumë lart qëllimeve të vëna në jetën sentimentale. Realiteti do të jetë në anën tuaj, duke ju ndihmuar shumë edhe në aspektin profesional, ndërkohë që ju kujdeseni për çështje të tjera. Pra favoret do të jenë në anën tuaj.
