Dashi
Performancë të shkëlqyer në punë. Mundi mesa duket po shpërblehet me një udhëtim jashtë vendit. Keni mundur të zgjidhni çdo vështirësi për të arritur deri këtu, për këtë sukses të merituar. Ky ishte një premtim që ia kishit bërë vetes kohë më parë.
Demi
Sot Hëna ju mbështet në dëshirat tuaja dhe keni për të pasur gjithë vëmendjen e duhur nga të gjithë. Miqtë ju ofrojnë besim të plotë në çështjet e rëndësishme dhe suksesi ka për t’ju shoqëruar për një kohë të gjatë.
Binjakët
Duhet të ndiqni me vëmendje menaxhimin e shpenzimeve në familjen tuaj. Gjendja ekonomike është në vështirësi dhe anashkaloni shpenzimet e panevojshme. Madje dhe grindjet në familje sa vijnë e shtohen nga pakënaqësitë e shumta.
Gaforrja
Qëndroni vigjilentë dhe është momenti i favorshëm për të pasur mundësi të mira. Mund të merreni edhe me çështje më të ndërlikuara, por nuk është momenti që të pësoni goditje. Mund t’u dëmtojnë shumë.
Luani
Guximi dhe pasioni nuk do të mungojë. Është koha që të kuptoni me qartësi dhe të jeni të motivuar. Mos mbani mendjen e të qëndroni të bllokuar në gjëra pa rëndësi. Projektet kërkojnë përqendrim të madh në realizimin e tyre.
Virgjëresha
Tregoni kujdes para se të merrni vendime të rëndësishme në punë. Duke qenë natyra impulsive mund të gaboni e jo vetëm do dëmtoni veten tuaj, por edhe kolegët tuaj, të cilët për një kohë të gjatë kanë dhënë më të mirën nga vetja për të arritur deri këtu.
Peshorja
Ju jeni i aftë për të ndërtuar marrëdhënie të mira me njerëz të rëndësishëm dhe luani një rol kyç në ndërtimin e imazhit me publikun. Gjithmonë ju kushtoni rëndësi detajeve dhe mesa duket sot do të jenë disi shqetësuese për mënyrën se si do të përcillen.
Akrepi
Përqendroheni jashtëzakonisht në punë dhe jeta e përditshme me problemet e saj ju lë pak hapësirë për kënaqësitë e të jetuarit bukur. Mundohuni t’i falni vetes momente të gëzueshme dhe sa më pak stres. Hapësirat kohore për qetësi janë në dorën tuaj.
Shigjetari
Energjitë ende nuk ju kanë shterur dhe bëni mirë të vazhdoni me planin për të ndërmarrë nisma për udhëtime të gjata. Është koha e duhur për t’i shijuar në maksimum. Së bashku me partnerin ose partneren tuaj filloni përgatitjet sa më parë.
Bricjapi
Në profesionin tuaj jeni mjaft aktiv dhe të vendosur, por për fat të keq ka mjaft projekte, të cilat shtyhen ose vonohen për shkak të vonesave nga ana e kolegeve tuaj. Mos u shqetësoni, sepse natyra juaj luftarake arrin t’ia dalë në momente e vështira.
Ujori
Ditë tepër shqetësuese. Konflikte në çift me partnerin tuaj. Keni për të vënë në rrezik lidhjen tuaj me një sjellje arrogante që jeni duke shfaqur. Vini në dyshim ndonjëherë sjelljen tuaj, nëse jeni duke arsyetuar drejt apo jo, e me pas gjykoni.
Peshqit
Biznesi juaj ka nevojë për ide të reja. Është momenti që të bëni ndryshime, sepse dhe financat kanë ngelur në vend. Madje shumë udhëtime pune është mirë t’i anuloni në këto momente për t’i kushtuar rëndësi një plani të ri.
