Dashi
Planetët do t’ju nxitin të shtoni edhe më shumë pasionin në jetën tuaj, megjithatë ndonjëherë disa gjëra nuk mund të parashikohen. Në punë përdorni më shumë argumentet e duhura për të justifikuar vendimet që do merrni. Mos u dorëzoni edhe nëse jeni pa mbështetje.
Demi
Sido që të ketë qenë jeta juaj kohët e fundit, mirë është që sot të jeni më të logjikshëm dhe të mendoheni para se të veproni. Keni për ta parë që me shumë pak përpjekje gjithçka do normalizohet. Nëse jeta juaj ne çift ka qenë e vështirë, gjatë kësaj ditë gjërat do fillojnë të ndryshojnë për mirë. Do ndiheni më të qetë dhe më në harmoni me njëri-tjetrin.
Binjakët
Mësoni të jeni të duruar gjatë kësaj dite që të dilni më të fituar. Beqarët do jenë shumë energjikë dhe të gatshëm për të njohur sa më shumë persona. Në fakt kjo është një mënyrë e mirë për të afruar më të duhurin.
Gaforrja
Sot çdo gjë do t’ju nevrikosë dhe nuk do jeni aspak në humor. Ndryshoni sjellje nëse nuk doni të keni vetëm humbje. Në planin financiar mos ndërmerrni rreziqe shumë të mëdha.
Luani
Sot do jeni më entuziastë dhe më të logjikshëm prandaj gjërat do t’ju ecin edhe më mirë. Nëse keni një lidhje do arrini më në fund t’i zgjidhni edhe disa probleme të hershme dhe do mendoni pozitivisht. Partneri do kujdeset jashtëzakonisht për t’iu bërë të ndiheni mirë.
Virgjëresha
Ditë shumë e paqëndrueshme do jetë kjo e sotmja. Në shumë momente do gjendeni edhe në vështirësi të mëdha. Duhet tha theksoni në mendje se jo gjithmonë personat janë ashtu si duken. zakonisht.
Peshorja
Dielli dhe Plutoni do t’ju bëjnë më optimistë gjatë kësaj dite dhe të gatshëm për të rimëkëmbur gjithçka që keni lënë pas dore. Të dashuruarit do kenë një durim të jashtëzakonshëm dhe do përballoni edhe mërzitjen e partnerit. Për ju më ë rëndësishmja nga të gjitha është ekuilibri dhe harmonia.
Akrepi
Nëse pranoni ndihmën e miqve do gjeni shpejt zgjidhje. Në planin financiar do keni probleme akoma më serioze nëse nuk ndiqni këshillat që do t’iu japin familjarët dhe miqtë e ngushtë.
Shigjetari
Mërkuri do ta shtojë imagjinatën tuaj gjatë kësaj dite dhe do t’ju ndihmojë të realizoni të gjitha projektet që kishit menduar. Të shkuarën e hidhur do e lini pas krahëve. Do preferoni të qëndroni në një ambient harmonik, sepse kjo gjë do ju frymëzojë më tepër.
Bricjapi
Sot do jeni gati të eksperimentoni në çdo moment dhe mund të ndërmerrni edhe ndonjë rrezik. Për ju mund të fillojë një etapë e re. Nëse shefat ju propozojnë diçka të re, nuk do mendoheni dy herë para se të pranoni.
Ujori
Sado që të mundoheni ju dhe planetët sot nuk do arrini dot të mbani ekuilibrin në çdo fushë. Ka rrezik që ju të dashuruarve t’iu kujtohen problemet e së shkuarës dhe atmosfera do nxehet menjëherë. Asnjëri prej jush nuk do t’i pranojë gabimet dhe kjo mund ta përkeqësojë situatën.
Peshqit
Ditë e mbushur me surpriza të njëpasnjëshme do jetë kjo e sotmja. Nëse jeni në një lidhje do ndiheni gjithë kohës mirë pranë atij që doni dhe me fat që e keni në krah. Nëse jeni beqarë nuk do keni ditën tuaj më me fat dhe do vazhdoni të mbeteni vetëm edhe sot. Në planin profesional, planetët do jenë në anën tuaj dhe do iu sjellin fat.
