Historia e vrasjes së ikonës së modës, Gianni Versace, do të bëhet film

“American Crime Story” ishte aq i suksesshëm saqë është rinovuar për dy sezone të tjera, në një prej të cilave do të merret me vdekjen tragjike të një ikone të modës.

“Variety” njofton se sezoni i tretë i tij do të fokusohet në vrasjen e Gianni Versace-s në vitin 1997. Sezoni i quajtur paraprakisht “Versace / Cunanan: American Crime Story”, do të bazohet në librin e vitit 1999 të shkrimtarit të “Vanity Fair”, Maureen Orth.

Versace ishte vetëm 50 vjeç kur u vra. Ai kishte shkuar i vetëm në restorantin e tij të preferuar në Miami kishte marrë një gazetë italiane dhe kur kishte hapur portën në vilën e tij, Andrew Cunanan, 27 vjeç, e qëlloi për vdekje dy herë në kokë.

Dizajnuesi ishte vetëm një nga pesë njerëzit që Cunanan kishte vrarë gjatë tre muajve të fundit. Pas tetë ditësh, Cunanan kreu vetëvrasje vetëm tre milje larg shtëpisë së Versace-s.

Sezoni i dytë, i cili fokusohet në pasojat e uraganit Katrina, do të transmetohet për herë të parë në vitin 2017. Pra, ne do të duhet të presim një kohë të gjatë për të parë historinë e krimit të  Versace-s.

Një aktore e njohur është në bisedime për të luajtur rolin e Donatella Versace-s. Ndërkohë, Antonio Banderas është vendosur si aktori që do të luajë Gianni-n në filmin biografik.

Burimi: Harper’s Bazaar