Ishte historia e komedisë romantike, “Gruaja e bukur” që e ndihmoi aktoren Julia Roberts dhe aktorin Richard Gere, të realizonin një kryevepër dhe t’i bëjnë shikuesit të besojnë se dashuria dhe princi i kaltër ekzistojnë.
Por historia e vërtetë e “Pretty Woman” mund të ketë qenë një përrallë shumë më e errët, sipas ish-kreut të Disney-t, Jeffrey Katzenberg.
“Si skenar, Pretty Woman është një film në lidhje me një prostitutë në Hollywood Boulevard. Dhe meqë ra fjala, në versionin origjinal, i cili është mjaft i errët, ajo vdiq nga mbidoza. Njerëzit ishin kaq të bindur që Walt Disney Co., do të sillte një histori përrallash dhe film princeshash dhe shumë njerëz do ta kishin të vështirë ta shikonin”, thotë ai.
Filmi u publikua në vitin 1990 dhe pati një sukses të paimagjinueshëm me 463 milionë dollarë fitime në mbarë botën.
