Enea Sila u kthye në hero që ditën e parë të punës si vrojtues plazhesh.
Ai i shpëtoi jetën një 25- vjeçareje nga Elbasani, Irena Shehi, e cila kishte hipur në një varkë me pedale duke qenë se nuk dinte not.
Aksidentalisht Irena ra në det në një thellësi të konsiderueshme dhe vrojtuesi i plazhit të Spillesë arriti menjëherë të shpëtonte 25- vjeçaren duke e nxjerrë në breg dhe duke i dhënë ndihmën e parë mjekësore.
Pas 30 minutash në pritje të ambulancës e cila nuk erdhi, Sila vendosi t’a transportojë vetë Irena Shehin për në spitalin e Durrësit me automjetin e tij. Pas dy orësh terapi vajza është jashtë rrezikut për jetën.
/Report tv
