6 muaj më parë, ish-missi Diellza Kolgeci u bë nënë për herë të parë.
Ajo dhe partneri, Fisnik Rugova, u bënë prindër të një vogëlusheje, të cilës i vendosën emrin Helena.
Çifti ka ndarë herë pas here në rrjete sociale momente me të bijën, ndërsa sot Diellza ka publikuar foton më të ëmbël të të voglës.
Helena mbush plot 6 muajshe dhe tashmë mund të vihet re qartë ndryshimi i saj.
Diellza e ka veshur të bijën si një balerinë, me fundin me fruda dhe një fjongo në kokë.
Që në ditët e para pas lindjes, u vu re ngjashmëria e madhe e Helenës me të ëmën e saj, e cila s’i ka lënë gjë në tipare.
Helena është fëmija i parë i Diellzës dhe basketbollistit, Fisnik Rugovës, të cilët u martuan në shkurt të këtij viti.
