Meghan Markle ka vendosur të rimodelojë unazën e fejesës që ia dha princi Harry duke e shndërruar atë në një unazë më elegante por edhe më të shndrritshme.
Me një rreth të trashë ngjyrë floriri dhe tre diamante, Harry ia dhuroi këtë unazë të dashurës pikërisht sepse kishte vlerë emocionale për të dy.
“Është flori i verdhë sepse ky lloj floriri është i preferuari i saj, ndërsa guri kryesor është marrë në Botswana, kurse dy diamantet në anë janë nga koleksioni i stolive të sime mëje, që ajo të jetë kurdoherë pranë nesh në këtë rrugëtim të çmendur bashkë.”, u shpreh Harry asokohe.
Botswana është vendi ku Harry dhe Meghan festuan ditëlindjen e saj të 36-të, pak përpara fejese.
Por, disa njerëz me sy të mprehtë vunë re se unaza që Meghan mbante tek festimi Trooping the Colour më 8 qershor, ishte e tjetërsuar.
Rrethi i florinjtë ishte më i hollë dhe i zbukuruar me disa kristale të vegjël përgjatë gjithë unazës, përveç tre gurëve origjinalë që ishin tashmë aty.
Spikatja e këtij ndryshimi vjen pak pasi Meghan dhe Harry u vendosën në qendër të kritikave për shpenzimin e 2,4 milion paundëve për rindërtimin e shtëpisë së tyre në Windsor.
