Të ngrejë dorën cila prej jush pinë një kokërr qetësues për dhimbjen e menstruacioneve, sapo i nisin! E njëjta gjë edhe për ne.
Por a keni menduar ndonjëherë të përgjysmoni zakonin tuaj të të konsumuarit “Advil” apo sikur të përpiqeshit të gjenit të paktën një kur më natyrale?
Në të vërtetë ka shumë kura natyrale që mund të lehtësojnë dhimbjet gjatë menstruacioneve dhe t’ju kursejnë paratë në farmaci. Provoni këto taktika:
1.Bëj një banjë të nxehtë.
Dhimbja nga periodat është një arsye e mjaftueshme për të hyrë në një vaskë me ujë të nxehtë ose për të bërë një dush të gjatë. Nga ana tjetër rezulton se nxehtësia mund të jetë shumë terapeutike edhe për trupin tuaj.
Nxehtësia ndihmon në rrjedhjen e gjakut në zonën tuaj të ijëve dhe kjo ndihmon në relaksimin e muskujve që shkaktojnë dhimbje.
2.Sigurohu të jesh e hidratuar.
Pirja e sa më shumë uji mund të ndihmojë në lehtësimin e fryrjes, duke e mbajtur të ekuilibruar sistemin e tretjes. Shtoni ujin në dietën tuaj përmes frutave dhe perimeve të pasura me ujë, si kastraveci dhe shalqiri.
Gjithashtu mund të provoni të pini pak ujë të nxehtë, pasi ndihmon në zvogëlimin e dhimbjeve.
3.Bëj ushtrime.
Djersitja nxit prodhimin e endorfinës, që stimulon ngritjen e humorit, gjë që në të vërtetë mund të veprojë si një lehtësues i dhimbjeve. Ushtrimi gjithashtu mund të ndihmojë në parandalimin e dhimbjeve, kështu që merrni parasysh të ushtroheni më shumë një javë para se t’ju vijnë menstruacionet.
4.Kalo një orgazmë.
E kemi seriozisht! Orgazma mund t’i lehtësojë dhimbjet e menstruacioneve për disa femra. Nuk dihet saktësisht sesi funksionon, por përse mos ta provoni njëherë për ta zbuluar vetë.
5.Trajtojeni veten me ndonjë gotë alkool.
Të pish një gotë verë mund të ndihmojë trupin të qetësohet, të relaksohen muskujt, përfshirë ato të mitrës. Kjo mund të lehtësojë dhimbjen. Dikur përdorej alkooli kur nisnin dhimbjet e paralindjes. Nëse keni pirë ilaç më herët, atëherë sigurohuni nëse ju lejohet të pini alkool.
6.Pij çaj xhenxhefili ose kanelle.
Konsumimi i çdolloj lëngu të nxehtë mund të lehtësojë dhimbjen e menstruacioneve, por sekreti këtu është te shija djegëse. Xhenxhefili njihet si një luftues natyral i dhimbjeve dhe kanella konsiderohet një anti-inflamatore, që ndihmon në reduktimin e dhimbjeve të muskujve të mitrës.
7.Kalo një ditë duke u kujdesur për veten
Rezervo një masazh ose një trajtim për fytyrën, pasi në këtë rast do të përjetoni disa momente relaksi.
8.Mbaj një dietë të shëndetshme.
Në përgjithësi të ndjekësh një dietë me sasi të ulët të karbohidrateve dhe të sheqerit, duke shtuar fibrat para dhe gjatë periudhës kur jeni me menstruacione, ndihmon në lehtësimin e dhimbjeve. Për të ndjekur një dietë të shëndetshme, shkarkoni aplikacionin e porositjes online të ushqimit, “SnapFood”, pasi mund të zgjidhni çdo ditë paketat e ushqimeve apo të lëngjeve.
Të konsumosh shumë fibra në çdo vakt ndihmon lëvizjen tuaj dhe ruan “humorin e mirë”. Fibrat gjenden lehtësisht në fruta, perime, drithëra dhe bishtajore, ndaj e dini se çfarë ju duhet? Një sallatë e shijshme dhe e bollshme (porosite këtu).
Duhet t’i rezistoni biskotave dhe çokollatave, apo çdo gjëje tjetër që ju tundon.
9.Bëni pak joga.
Sipas një studimi të publikuar në 2017-n, të praktikosh rregullisht joga mund të ndihmojë në simptomat që lidhen me menstruacionet. Të gjitha format e stërvitjes rezultuan se çonin në zvogëlimin e dhimbjeve.
