Këngëtarja Ariana Grande ka folur për herë të parë për motivet e vërteta të ndarjes nga i dashuri, Mac Miller, duke e përshkruar marrëdhënien e saj me të, si “të vështirë” dhe “të frikshme”.
Reagimi i saj vjen pas kritikave të shumta nga fansat që e fajësojnë, pasi sipas tyre, ajo nuk ka qenë në gjendje të kujdeset për problemet e të dashurit, i cili bëri dhe një aksident me makinë para pak kohësh.
Këngëtarja tha se nuk është as dado dhe as nëna e tij, dhe asnjë femër nuk duhet të ndihet kështu.
Në një reagim në Twitter Ariana tregon se ish-i i saj ka pasur probleme të theksuara me alkoolin dhe se ajo është kujdesur për të dhe është përpjekur ta futë në rrugë të drejtë.
“Nuk e kam treguar sesa e vështirë dhe e frikshme ishte ndërkohë që po ndodhte, por ishte. Do të vazhdoj të lutem nga thellësia e zemrës sime që ai të kuptojë gjithçka dhe çdo femër tjetër ta bëjë”.
24-vjeçarja konfirmoi ndarjen rreth dy javë më parë me një postim në Instagram:
“Ai është një nga miqtë e mi më të mirë në të gjithë botën dhe njeriu i preferuar në planet. E respektoj dhe e adhuroj pafundësisht dhe jam mirënjohëse që e kam në jetën time në çdo mënyrë, në çdo kohë pavarësisht se si ndryshon marrëdhënia jonë apo ajo që universi ka parashikuar për secilin prej nesh!”
Ndërkohë, Ariana ka nisur një lidhje të re me komedianin e “Saturday Night Live”, Pete Davidson vetëm dy javë pas ndarjes.
