Për herë të parë në historinë e saj në 64 vite, revista “Playboy” ka zgjedhur të pozojë një transgjinore, një vendim që Cooper Hefner, drejtuesi i lartë, tha se është në përputhje me misionin e përqafimit të qëndrimeve në ndryshimin rreth seksit.
Modelja franceze 26-vjeçare Ines Rau, do të shfaqet në numrin e nëntorit, i pari pas vdekjes së themeluesit Hugh Hefner.
Përzgjedhja e Rau-t “flet shumë për filozofinë e markës”, tha drejtor kreativ i “Playboy”-it, 26-vjeçari Hefner.
“Kjo është gjëja e duhur për t’u bërë. Ne jemi në një moment ku rolet gjinore po evoluojnë”.
Ai tha se zgjodhi këtë modele dy muaj më parë, sepse ajo është “e bukur” dhe ka “një personalitet të mrekullueshëm”.
Kur modelja Rau, e cila u shfaq në revistën “Vogue” dhe në fushatën e “Balmain”, mori lajmin se nuk do të jetë më një “Playmat” qau nga lumturia.
“Ishte si një kompliment që nuk ma kishin bërë kurrë. Kam marrë shumë komplimente të bukura, por kjo me të vërtetë më bëri të ndihem shumë e veçantë, e bukur dhe femërore. Isha pa fjalë. Kam marrë shumë komente urryese. Nuk e kisha menduar kurrë që njerëzit të ishin aq transfobikë. E dija se ende kishim shumë punë për të arritur në një pikë ku njerëzit shohin femrat transgjinor si femra, por nuk e kisha menduar kurrë”, shprehet ajo.
Por kjo rezistencë vetëm shton vendosmërinë e saj.
“Më bën edhe më krenare dhe të lumtur që e kam marrë atë vendim, sepse ne duhet të bëjmë një ndryshim të mentalitetit. Historia ime është shumë e rëndë, dhe ju do të keni gjithmonë njerëz që nuk e kuptojnë dhe që janë të ligj, dhe duke parë këtë, merr edhe më shumë kuptim lufta për respektin”, tha ajo.
Burimi: NYTimes
