Mjaftoi fotoja e burgut që ai të cilësohej si krimineli më i bukur në botë. Jeremy Meeks pati fatin të jetë i bukur dhe të tërheqë vëmendjen e stilistëve, për ta bërë imazh të markave më të njohura, vetëm përmes një fotoje të realizuar në ambientet e policisë.
Por ai nuk është i vetmi person me dosje në polici që ka tërhequr vëmendjen e mediave sa i përket paraqitjes fizike.
Rasti i fundit është me një të burgosur shqiptar, i cili është arratisur ditën e hënë rreth orës 21:40 nga një kamp në qendrën e imigracionit në South Lanarkshire në Skoci. I riu është shpallur në kërkim nga policia skoceze.
Por teksa policia ka postuar foton dhe të dhënat personale të Guxim Imerios në rrjetet sociale duke e shpallur person në kërkim, ajo që bie në sy janë komentet që tregojnë simpatinë e tyre ndaj 25-vjeçarit.
Shpresojmë që edhe shqiptari të ketë fatin e ish-kriminelit Jeremy Meeks.
