Blunt dhe Real 1 janë shndërruar në dy ndër reperat më të përfolur të momentit, sidomos pas sherrit që patën me kolegët e tyre nga Kosova.
Ata janë tepër aktivë në rrjetet sociale dhe mbajnë kontakt të vazhdueshëm me fansat e tyre duke i njohur me çdo detaj të jetës së tyre private dhe artistike. Së fundmi dy reperat e njohur kanë vendosur të ndryshojnë emrin e tyre artistik.
Nëpërmjet një video të postuar nga Real 1 në Instastory, ai bëri të ditur se nuk do të quhen më Blunt dhe Real, por “Shaolin gang”. Nëpërmjet kësaj video, reperi zbuloi se ditën e sotme do të publikohet edhe videoklipi i tyre i ri me pamje eksplicite.
