Disa nga gazetarët dhe moderatorët më të njohur shqiptarë u mblodhën të martën për një drekë, por pa dhënë asnjë detaj.
Fatma, Aulona Musta, Roza Lati, Olti Curri, Erald Rexho, Jonida Aliçkolli, Ervin Kurti, Flori Gjini, Suada Daci dhe Ilda Lumani ishin disa prej personazheve që i bashkoi tavolina e një restoranti për një qëllim.
Asnjëri prej tyre nuk dha më shumë detaje se çfarë po planifikojnë, veç idesë se do të jetë një “reality-show”, duke na shtuar kuriozitetin.
“Dreka e gazetarëve përfundoi me sukses. Janë marrë vendime shumë të rëndësishme për këtë vend, të cilat t’i tregojmë në ditët në vijim”, u shpreh Aulona Musta në një video, që u shpërnda nga të gjithë kolegët e saj.
Por burime për “iconstyle.al” zbuluan sot se çfarë po “gatuajnë” në të vërtetë emrat e njohur të medias. Pavarësisht se po realizohet në Shqipëri, ky “reality-show” sipas burime, do të mbajë vulën e një produksioni amerikan.
Të njëjtat burime treguan për “iconstyle.al” se, do të shfaqet një herë në javë dhe organizator i tij është Olti Curri.
Ende nuk dihet se cilët janë personazhet që do të qëndrojnë para dhe pas kamerës, por më shumë detaje presim të na zbulojnë vetë gazetarët.
