Halsey ka folur për periudhën kur kuptoi se vuante nga një sëmundja e rëndë. Ajo zbulon se për pak humbi jetën pasi luftoi me lupusin dhe një çrregullim të rrallë të qelizave T, shkruajnë mediat e huaja.
Në një postim në Tumblr, ajo u dha një mesazh fansave, teksa pranoi se ishte penduar që u kthye në industrinë e muzikës pasi mori kaq shumë urrejtje në internet.
“Nuk do të bëj më asgjë që nuk më bën më të lumtur. Nuk e duroj dot mendërisht”, theksoi ajo.
Ajo shtoi: “Kur u sëmura, gjithçka për të cilën mund të mendoja ishte të shërohesha që të kthehesha dhe të bëhesha pjesë e saj përsëri”.
Më herët në postim, këngëtarja 29-vjeçare tha se ndjehet sikur fansat e saj janë “më të këqij” ndaj saj se çdo person tjetër në planet.
“Ishte vetëm një pakicë që ishte e tmerrshme për mua dhe tani duket sikur shumica janë këtu vetëm për të dhënë herë pas here mendimin e tyre se sa shumë më urrejnë apo sa e tmerrshme jam”, shtoi ajo.
Këngëtarja e ‘Closer’ së fundmi i është rikthyer muzikës me publikimin e këngëve ‘The End’ dhe ‘Lucky’.
