Mbrëmjen e djeshme u mbajt në Pallatin e Kongreseve koncerti i shumëpërfolur i këngëtarit grek, Notis Sfakianakis. Prej disa ditësh këngëtarë të njohur shqiptarë bën thirrje për të bojkotuar koncertin e tij, duke u nisur nga deklaratat raciste të këngëtarit grek, i cili na quante racë inferiore.
Pavarësisht këtyre thirrjeve biletat u shitën të gjitha dhe të shumtë ishin ata shqiptarë, të cilët mbajtën radhë për të qenë të pranishëm në koncertin e Notis Sfakianakis.
Thirrjet për bojkot që u bënë nga artistët shqiptarë janë diskutuar edhe në mediat greke, të cilat kanë bërë një lidhje direkte dhe me gazetarin e “Top Channel”, Ilir Paçon. Gjatë kësaj lidhje telefonike, gazetari shqiptar ka komunikuar në gjuhën greke dhe i ka befasuar të gjithë me deklaratat e tij.
Sipas tij thirrjet për bojkotimin e koncertit të Notis Sfakianakis janë bërë nga disa periferikë të vendit tonë. Ndërkohë kujtojmë se gjatë këtyre ditëve thirrjet për bojkot të këtij koncerti i kanë bërë Elton Deda, Jonida Maliqi, Bruno, Klajdi Haruni, Ardi Asllani etj.
Gjatë kësaj lidhje telefonike Ilir Paço ka thënë se koncerti është organizuar nga “Top Channel” dhe gjithçka ka shkuar shumë mirë.
Burimi: Blitz.al
