Një grua ka rrëfyer së fundmi se burri i saj ndodhet në gjendje të rëndë në spitalin Covid 2, “Shefqet Ndroqi”, raporton Dosja.al. Ajo thotë se në këtë spital nuk ka as oksigjen për të infektuarit me Covid-19, teksa i ka bërë thirrje qeverisë që të sjellë medikametet e nevojshme në këtë spital, pasi sipas saj po vdesin njerëz.
Por, nuk mbaron këtu, pasi ajo ka bërë një deklaratë edhe më të fortë. Gruaja në fjalë ka treguar se burri i saj e ka bërë tamponin në një spital privat, pasi ISHP-ja nuk shkoi kurrë në banesën e tyre.
“Prej 10 ditësh e kam mbajtur burrin në shtëpi me temperaturë. U rëndua gjendja, e solla këtu vetëm. Iu thashë që mbaheni. ISHP-ja nuk vinte, tamponin e ka bërë në një spital privat. Tani është i shtruar tek “Shefqet Ndroqi”, ndodhet në gjendje të rëndë. Po ta kishte bërë tamponin që në fillim nuk do të ishte në këtë gjendje. Nuk ka oksigjen në spital. Mjekja më tha që i kemi dhënë vetëm pak. Po më vdes burri. Më tha që burri ka të vjella dhe temperaturë. Ju lutemi Edi Ramës të sjellë gjërat që duhen këtu, se po vdesin njerëz.”, u shpreh gruaja.
Aktualisht, në vendin tonë numërohen 188 viktima, 2,673 raste aktive dhe 3,155 të shëruar.
