Ariel Tejada është grimieri besnik i yllit të “Keeping Up With The Kardashian” Kylie Jenner.
Por gjithashtu, Ariel ka një dashuri të veçantë për Shqipërinë, pasi jo vetëm realizoi masterclasin e tij të parë në Tiranë, por është miku më i mirë i këngëtares shqiptare Anxhelina.
Shpeshherë grimieri i “Jenner”, është shprehur se familja e Anxhelinës, i dhuron dashuri të veçantë si dhe e konsiderojnë pjesë të familjes. Mesa duket, dashuria qenka reciproke.
Së fundmi, Ariel ka publikuar në profilin e tij në “Instagram” këngën më të re të Albërie Hadërgjonaj “Leje Leje”, që u publikua pak ditë më parë. Por fansat u habitën, në përshkrimin e veçantë që grimieri kishte shkruar.
“Mamaja ime e dytë. Një legjendë shqiptare.”- shkruan Ariel, duke vendosur një flamur shqiptar.
