Vetëm 4 ditë më parë Greta Koçi publikoi këngën më të fundit, “Ku gabuam”. Pavarësisht se pranë Shën Valentinit, kënga e saj fliste për ndarjen.
Por Greta duket se nuk ka gabuar vetëm në dashuri, por ka edhe në klipin e këngës.
“Iconstyle.al” bëri krahasimin mes videoklipit të këngës së saj të publikuar më 12 shkurt dhe atij të këngëtares nga Kosova, Lauresha Ramadani, i prezantuar më 25 gusht të 2017-s.
Ajo që i bën kaq të ngjashme dy klipet mbi të gjitha është: vendi.
Regjisorët e secilës këngë kanë vendosur që videoklipi të realizohet në Bunk’Art 1, që ndodhet në zonën pranë Teleferikut.
Greta dhe Lauresha pozojnë në korridoret e bunkerit atomik, të diktatorit Enver Hoxha.
Detaji tjetër, që i bën kaq të ngjashme dy videot, janë dritat dhe projektimet e ngjyrave në sfondin kur kërcejnë dy këngëtaret.
Ndërsa Greta Koçi zgjodhi që të ishte e vetme në klip, Lauresha Ramadani shoqërohet edhe nga disa balerina.
Xhirimet e të dyja klipeve janë realizuar jashtë dhomave, ku ndodhen sende me vlerë historike apo ekspozohen video dhe fotografi.
Kënga e Lauretës i kushtohet dashurisë dhe ritmit, të cilin e përcolli edhe përmes atmosferës në video.
Në asnjë prej klipeve nuk ndodhet një mashkull, ndërsa pjesa kur këngëtaret kërcejnë nën efektin e dritave i bënë dy videot edhe më të ngjashme.
