Një festë e madhe, ku morën pjesë shumë personazhe të famshme, u organizua nga “Top Media” me rastin e 20-vjetorit të “Top Albania Radio”. Me rastin e këtij përvjetori jubilar shumë prej gazetarëve që kanë punuar ndër vite në këtë radio kanë folur për kujtimet dhe eksperiencat e tyre. Një prej tyre është edhe Arbana Osmani.
Moderatorja ka rrëfyer për herë të parë se si i është mbyllur dera në fytyrë në momentin e parë që ka kërkuar punë në “Top Albania Radio”.
“Kujtova atë ditë, kur pa më thënë njeri asnjë gjë, unë thjesht e kisha dëgjuar te radio, trokita te dera e radio, doli Bojkeni dhe i thashë: ‘A keni nevojë për prezantuese?’ Më tha: ‘Jo, s’kemi’, dhe ma mbylli derën”, rrëfeu Arbana , duke kujtuar që sot Bojkeni është një ndër miqtë e saj më të mirë.
Por insistimi i saj e bëri Arbanën që të shfaqej përsëri në dyert e kësaj radio.
“Pastaj, 6 muaj më vonë, u bë një audicion, sepse kishin nevojë për prezantuese, dhe unë fitova audicionin. Por herën e parë, më është mbyllur dera”, u shpreh moderatorja gjithë emocion.
