Gjithmonë e më shumë vajza po krijojnë familje pasi i kanë vënë gjërat në vijë sa i takon karrierës dhe kjo, vihet re veçanërisht tek personazhet publike.
Shumë vajza të famshme po na tregojnë se kohët kur për një vajzë të 30-at konsideroheshin tepër vonë, nëse s’i kemi lënë pas me kohë, duhet ta bëjmë sa më shpejt.
Jonida Vokshi
Moderatorja Jonida Vokshi konfirmoi të shtunën tek “Xing me Ermalin” se është duke menduar martesën me aktorin Besnik Krapi.
“Unë me të jam njohur tek seriali ‘O sa mirë’ pasi ishim të dy pjesë e kastit të serialit. Kemi qenë në fillim miq, dhe duke u njohur, duke kaluar kohë bashkë, u dashuruam. Si dy të dashuruar, do vijë një moment që do konkludohet dashuria. Qe si një lloj dashurie me shikim të parë, ka qenë një lloj shkëndije si ajo e një dashurie me shikim të parë”, tha ajo.
Afërdita Dreshaj
Historia e dashurisë me Shpat Kasapin nuk pati fund të lumtur, por modelja Afërdita Dreshaj e gjeti dashurinë e jetës tek hokeisti çek Jakub Kindl, me të cilin u martua qershorin e kaluar.
Tuna
Në 2010-ën, Tuna pati një martesë jetëshkurtër me Rilind Rekën.
Zgjati vetëm një vit dhe pas asaj, këngëtarja iu rikthye dashurisë me reperin Cozman në 2013-ën, lidhje e cila mori fund rreth dy vite më vonë.
Dashurinë e jetës, Tuna duket se e ka gjetur tek Patris Berisha, me të cilin nuk u desh të prisnin gjatë për të vendosur të martoheshin në janar të 2017-ës. Ata janë prindër të një djali 2 vjeç, Tianit.
Floriana Garo
Në 2017-ën, moderatorja e njohur vendosi të linte televizionin “Klan” për të ndjekur dashurinë .
Ajo u shpërngul në Zvicër, ku jeton tashmë dhe është mama e një vajze 1 vjeçe, me avokatin Enis Daci.
Kujtojmë se në 2015-ën, Floriana Garo i dha fund fejesës 5- vjeçare me sipërmarrësin Tedi Ngjela.
Ledina Çelo
Këngëtarja u martua me bashkëshortin Naim Kabashi në 2007-ën.
Ndonëse kishin 10 vite që ishin njohur, filluan ta shikonin njëri- tjetrin me sy tjetër vetëm viteve të fundit, kur kuptuan se ishin bërë për njëri- tjetrin.
Sot ata po bëjnë 12 vite martesë, vijojnë jetojnë në Gjermani dhe janë prindër të dy fëmijëve, një djalë dhe një vajzë.
Rudina Magjistari
Pas 4 vitesh bashkë, në 2015-ën Rudina Magjistari dhe Xhavit Bajrami u bekuan me fëmijën e tyre të parë: një vajzë të cilën e quajtën Mia.
