Në kushtet kur pandemia e koronavirusit ka paralizuar botën dhe rrjedhimisht edhe ekonominë globale, shtetet e prekura më së shumti janë në kërkim të metodave për t’ju rikthyer sa më shpejt aktiviteteve të mëparshme, pa rrezikun se një gjë e tillë mund të përkeqësojë situatën me sëmundjen agresive që deri më tani ka marrë më shumë se 62 mijë jetë.
Kështu, lindi ideja e “pasaportave të imunitetit”. Vetëm pak ditë më parë, Gjermania njoftoi se po bëhej gati të kryente 100 mijë teste për antitrupa, që përcaktojnë nëse një person e ka kaluar sëmundjen, çka do të thotë nëse ka krijuar apo jo imunitet ndaj COVID-19.
Në këtë nismë, që pritet të bëhet edhe më masive me kalimin e kohës, Gjermania synon të rikthejë në punë mijëra punëtorë, me shpresën se ekonomia gjermane, ndonëse ndër më të fuqishmet në botë, nuk do të dëmtohet në mënyrë kritike nga pandemia.
E njëjta gjë ide është propozuar dhe në Britaninë e Madhe, nga sekretari i Shëndetit, Matt Hancock i cili ka thënë për BBC se është menduar që personat të cilët rezultojnë me imunitet, të mbajnë një shirit në kyçin e dorës për të dëshmuar se janë testuar dhe nuk janë të rrezikshëm.
Një gjë e tillë sigurisht do të ishte një zgjidhje ideale për Shqipërinë, ekonomia e brishtë e së cilës rrezikohet në mënyrë të frikshme nga izolimi si pasojë e koronavirusit, por deri më tani, autoritetet shqiptare ende nuk kanë folur për një ide të tillë, duke lënë të kuptohet se me shumë gjasa, vendi ynë do të vijojë të përballojë pandeminë nëpërmjet izolimit.
Gjithësesi, metoda e pasaportave të imunitetit është ende në diskutim nga shkencëtarët.
Sfidat e tyre lidhen me gjetjen e një testi të besueshëm për matjen e antitrupave, përcaktimin e kohëzgjatjes së imunitetit dhe aftësitë e shteteve për kryerjen e testimeve në mbarë popullatën, çka duket ende tejet e vështirë.
Gjermania dhe Anglia në lëvizje: Çfarë janë pasaportat e imunitetit dhe a na duhen në Shqipëri
Lajme Të lidhura
Te fundit
Shkarko Snapfood dhe fito 10% ulje në porosinë e parë
