Nëse je duke planifikuar një udhëtim në qytetin që “nuk fle kurrë”, ka disa gjëra që duhet t’i dish para se të ngjitesh në avion. New York-u është një botë më vete – i zhurmshëm, i çmendur, por absolutisht magjepsës.
1. Viza është must!
Nëse je nga Shqipëria, nuk futesh dot pa vizë. Duhet të aplikosh për vizë turistike (B2). Mos e lini për në minutën e fundit, sepse procedurat mund të zgjasin.
2. Dollari mbretëron
Në NYC s’të hyn në punë euroja. Çdo gjë paguhet në dollarë, ndaj kujdes me këmbimin. Pothuajse gjithçka paguhet me kartë, por është mirë të kesh edhe ca para cash për ndonjë taksi ose dyqan të vogël.
3. Bakshishi nuk është opsional
Në Amerikë, bakshishi është pjesë e kulturës – thuajse i detyrueshëm. 15-20% në restorante është standard. Edhe për taksistët, parukierët, apo ata që të mbajnë valixhet në hotel.
4. Metroja shpëton jetën (dhe portofolin)
Mund të duket si një labirint, por metroja është mënyra më e shpejtë dhe më e lirë për të lëvizur. Shkarko aplikacionin “Citymapper” ose “MTA” që të mos humbësh.
5. Të gjitha janë më të mëdha… edhe çmimet
Nga porcionet e ushqimit te rrokaqiejt – gjithçka është ekstra. Edhe çmimet. Përgatitu për një kafe 7 dollarë dhe një pjatë makarona që kushton sa dy darka në Tiranë.
6. Moti s’ka stabilitet
Në pranverë dhe vjeshtë është ideal, por vera mund të jetë përvëluese dhe dimri brutal. Kontrollo parashikimin e motit para se të bësh valixhen.
7. Shijo vibe-in unik të qytetit
Çdo lagje ka identitetin e saj. Brooklyn-i është hipster, Soho është për shopping, Manhattan është klasik, Harlem-i ka shpirt. Mos shko vetëm në Times Square – ka shumë më shumë për të parë!
Në fund të ditës, New York-u është një aventurë më vete. Mund të të lodhë, mund edhe të të habisë, por nuk do të të zhgënjejë kurrë. Përgatitu mirë – dhe le të fillojë udhëtimi!
