Ai është në një romancë me këngëtaren Jessie J dhe gjërat duket se po bëhen serioze mes tyre. Aktori Channing Tatum u fotografua me vajzën e tij, duke marrë pjesë në koncertin e këngëtares në “Wiltern Theater”.
Ylli i “Hollywood”-it ndodhej me vajzën 5-vjeçare Everly për të ndjekur performancën e këngëtares.
Channing ishte i veshur sportiv, me tuta, atlete dhe me kapele të zezë, ndërsa mbante në krah vogëlushen e tij.
Jessie J u shfaq në skenë sensuale me një fustan tyli me temina, ndërsa asetet i kishte mbuluar me veshje të zeza.
Aktori nisi romancën me Jessie J vetëm pak kohë pasi u nda nga bashkëshortja e tij prej 10 vitesh Jenna Dewan, me të cilën nënshkroi kontratën e divorcit javën e kaluar.
Burimi: Daily Mail
