“Në Kurtin e Piter Pan” është një ndër spektaklet më të ndjekura të ditës së hënë, ku ftohen personazhe të njohur dhe fëmijët iu drejtojnë atyre pyetje të ndryshme.
Mbrëmjen e djeshme një ndër të ftuarit e këtij spektakli ishte biznesmeni Samir Mane, iu cili u vu në jo pak raste në siklet nga pyetjet e fëmijëve.
“Kur ikën në pub-e, a i mbulon femrat me lekë?”, ishte pyetja e njërit prej fëmijëve, e cila ka ngjallur debat në opinionin publik.
Pedagogu dhe gazetari i njohur Erion Kristo nëpërmjet një postimi në Facebook ka bërë një kritikë të fortë për përdorimin e pafajësisë dhe inteligjencës së fëmijëve në ekranet televizive.
“Shfrytëzimi i fëmijëve, i inteligjencës, bukurisë dhe pafajësisë së tyre për tu bërë fresk oligarkëve, pushtetarëve dhe njerëzve me produkte të dyshimta kulturore, është një pështirësi që më përzien zorrët.
Pyetja e fëmijës ishte: kur shkon në pab, a i mbulon femrat me lekë?
Edhe një herë në vit që bëhet emision për fëmijë, ata përdoren. Po kjo nuk është më e keqja. Më e keqja është duartrokitja e njerëzve dhe mungesa e reagimit të intelektualëve.
Po prapë ka dhe më keq se sa kaq. Kam vite që flas për fëmijët dhe nuk shoh asgjë të bukur në horizontin e tyre. Me sa kuptoj, kaq fuqi kemi. Kjo me dërrmon plotësisht!” shkruan Kristo në postimin e tij në Facebook.
