Evropa u trondit përsëri mbrëmë, pas protestës së fundit kundër Brukselit.
Kryeministri italian u largua nga pushteti, pasi ngriti një referendum mbi reformat kushtetuese, duke bërë një votim për besimin e qeverisë së tij.
Matteo Renzi dha dorëheqjen menjëherë pasi sondazhet treguan një humbje të qartë, duke thënë: “Unë e pranoj të gjitha përgjegjësitë për këtë humbje. Do ta them me zë të lartë”.
Më herët në një ditë të rëndësishme për të dhe kombin italian, kryeministri Matteo Renzi bëri atë që askush nuk e priste: Harroi mjetin e identifikimit në shtëpi!
“Unë nuk e kam dokumentin me vete, por uroj që të më njihni”, tha ai pasi u paraqit në qendrën e votimeve. Sipas “La Repubblica”, Renzi ishte votues i regjistruar në shkollën “Edmonso De Amicis” në Pontefract. Ndonëse nuk e kishte marrë mjetin e identifikimit me vete, ai u lejua të votonte edhe pa të. Renzi shoqërohej nga familja, gruaja Agneze dhe fëmijët.
Procesi i votimit, që nisi ditën e djeshme, u parashikua si një humbje e thellë e Renzi-t.
Ky referendum i popullit italian u pa si një “jo” e madhe kundër propozimit të qeverisë për të bërë ndryshime në sistemin e ligjvënies në vend. Disa orë pasi nisën të dilnin rezultatet e para, në një deklaratë për shtyp, Renzi deklaroi se pranonte humbjen dhe se kjo ishte dorëheqja e tij.
“Unë besoj në demokraci. Qeveria ime merr fund sot. Do të jap dorëheqjen”, u shpreh ai duke e mbyllur deklaratën me fjalinë: “Rroftë Italia!”. Në këtë mënyrë e diela e 4 dhjetorit ishte dita më e sikletshme dhe më e vështirë që mund të ketë kaluar ndonjëherë ish-kryeministri italian. Pavarësisht se u mundua që të mbante një buzëqeshje gjatë fjalimit të tij, ndjenja e mërzisë shfaqej te politikani.
Burimi: Daily Mail
