Jeta e 16-vjeçares, Blerta Pepa, u pre në mes pas një gabimi fatal gjatë një ndërhyrje në gju, që i mori jetën. Adoleshentja, e cila u bë një zë i dashur për publikun pas pjesëmarrës në spektaklin “Gjeniu i Vogël 6”, i ishte nënshtruar një operacioni në gju për meniskun dhe ligamentin, por një gabim në dozën e anestezisë i mori asaj jetën.
Pas ngjarjes, anestezisti Tefik Zhurda nuk ka mundur ta përballonte këtë tragjedi dhe tentoi të vetëflijohet duke injektuar në trup një preparat anestezie. Ai ndodhet në spital në gjendje të rëndë shëndetësore.
“Me iku drita e syve të mi me iku motra ime, pse Zot”. Këto janë fjalët e ndjera që shkroi në rrjetin social “Facebook”, vëllai i Blerta Pepas.
Në një postim në rrjetin social “Facebook”, daja i saj, Liro Likaj ka dhënë edhe detajet për ngjarjen.
Postimi i plotë:
“Unë jam daja i Blerta Pepa e cila ka qenë pjesëmarrëse tek Gjeniu i Vogël. Blerta fatkeqësisht u nda nga jeta në moshën 16- vjecare mëngjesin e sotëm, pas një ndërhyrje në gju për meniskun dhe ligamentin.
Kemi bërë denoncim në polici, pasi besojmë që ka qenë një papërgjegjshmëri dhe tregti me jetën e një fëmije duke qenë se i kryen një operacion si me urgjencë nga ora 10 në mëngjes që ishte planifikuar, por e bënë në orën 19.30 të darkës duke qenë se doktori i huaj që bëri ndërhyrjen duhet të iki këtë të martë në Greqi ku gjithashtu punon.
Ju lutem bëjini një tribut Blertës, e cila nuk jeton më vetëm për një operacion në gju dhe hetoni apo pasqyrojeni si lajm pasi është tepër e rëndë besoj për të gjithe Shqipërinë që një gjeni e vogël si Blerta, të humbi jetën nga vetëm një ndërhyrje në gju, kur na ishin dhënë të gjitha garancitë që çdo gjë do shkonte mirë nga spitali.
Si i pari i qeverisë të kërkoj të bëhet çdo gjë që drejtësia të vihet në vend, pasi ajo vdiq nga babëzia e eurove të spitaleve private e shtetit që nuk u interesua që ta mundësojë shërimin pasi në ministri të Shëndetësisë dhe të Arsimit ( u vra në gju në orën e fizkulturës tek shkolla Çajupi) dhe përgjigja, që sa fëmijë vriten në ditë në shkollë nuk i ndihmojmë dot. Duam drejtësi.”
