“Ajo që besohet në një shoqëri nuk është ekuivalente me atë që është e vërtetë, por kur është fjala për reputacionin e një gruaje, është e njëjta gjë!”
Historia që do të sjellim sot bazohet në një ngjarje të vërtetë krimi që ndodhi në mesin e shekullit 19 në Kanada.
Grace Marks, e njohur me emrin Mary Whitney, u akuzua së bashku me një djalë që u pretendua se ishte i dashuri i saj, James McDermott, për vrasjen e punëdhënësit të tyre Thomas Kinnear dhe të dashurës së tij, guvernatores Nancy Montgomery.
Seriali “Alias Grace” i NETFLIX, është përshtatja e dytë televizive e novelës së autores Margaret Atwood, e njëjta që ka shkruar librin e famshëm “The Handmaid’s Tale” (lexo këtu), që tregon historinë e një prej konfrontimeve më të mëdha të abuzimit seksual.
Në qendër të historisë është Grace Marks (e luajtur nga Sarah Gadon), një emigrante irlandeze e shekullit të 19-të, e dënuar për një vrasjen famëkeqe, gjendja mendore e së cilës nis të studiohet nga një doktor ndërkohë që ajo është duke vuajtur dënimin e saj me burg.
Dr Simon Jordan (Edward Holcroft), kërkon ta ekzaminojë atë për të zbuluar nëse është vërtet fajtore dhe nis të gërmojë thellë në tregimin e asaj që ndodhi në të vërtetë ditën kur u vranë pronarët e Grace, Nancy (Anna Paquin) dhe Thomas (Paul Gross).
A është Grace vrasësja e vërtetë?!
Vetë Grace nuk mban mend shumë gjëra nga ajo ditë, dhe e gjithë historia vërtitet në paqartësinë nëse ajo është e pafajshme apo fajtore, po gënjen apo po thotë të vërtetën!
Por vërtetësia e tregimeve të Grace, është më pak domethënëse për vetë autoren e librit, e cila bazohet më tepër në rrjedhat e jetës së saj dhe grave që kanë pasur të njëjtin fat si Grace.
Grace është tiranizuar nga një baba abuziv, punon orë të panumërta si shërbyese për një rrogë të ulët dhe ka pasur humbje të dhimbshme në jetën e saj.
Nëna i vdes rrugës për në Britani dhe babai i saj i dhunshëm u përpoq ta përdhunonte para se ta dërgonte të punonte në një familje të pasur, ku Grace takon shërbyesen Mary. Kjo e fundit do të bëhet mikja e saj e vetme, por sërish do të kthehet në mallkimin e saj më të madh!
Gjëra të tmerrshme i ndodhin Grace gjatë rrjedhës së serialit, kështu që shumë prej tyre rrënjëzojnë faktet e gjinisë dhe statusit të saj të ulët, sepse bota ku jeton është e rrezikshme për një vajzë të varfër që vjen nga një vend tjetër.
Por në të njëjtën kohë, kjo kohë nuk duket aq e ndryshme me atë që jetojmë sot. Ashtu si çdo histori tjetër e Margaret Atwood, kjo është një histori që tregon sesi bota gjen mënyra për t’i bërë gratë të ndjehen të pasigurta dhe dëmi vjen pikërisht prej kësaj.
Në “Alias Grace” duket se ekzistojnë vetëm dy viktima në këtë histori, por e vërteta është se ka shumë më tepër.
A mund të të dojë dikush nëse të paragjykon!
Dr Jordan e dëgjon dhe mban shënime ndërsa Grace rrëfen jetën e saj. Ai do të besojë në pafajësinë e saj, teska mëson vuajtjet e pafund dhe versionin e saj të ngjarjes. Shpesh e zë gjumi duke ëndërruar për çaste romantike me Grace-n flokëkuqe dhe sy bojëqielli, e cila e magjeps komplet.
Në fund të episodit të parë, ndërsa ajo ndodhet në qelinë e saj të burgut, nis dhe mendon për interesin e tij për çështjen dhe pyet veten pse të gjithë kërkojnë ta hetojnë dhe ta ekspozojnë.
Takimet e shumëpritura me doktorin ndikohen nga fakti se Grace duhet t’i përshtatë ato që thotë për të mos u paragjykuar. Por a do të gënjejë ajo vetëm për të mos qenë “e keqja” në sytë e doktorit simpatik?!
E vërteta nuk është ajo që ne shohim!
Historia e vërtetë e Grace Marks mbetet e pakuptueshme edhe sot. Ekzistojnë shumë spekulime nëse Grace është vërtet fajtore për vrasjen. Dhe “Alias Grace” i Atwood nuk hedh dritë në këto çështje por përkundrazi thellohet në vështirësitë e grave, veçanërisht te gratë e klasës punëtore, para lexuesit, duke demonstruar se sa pak zgjedhje kishin ato në atë kohë. Komploti i romanit rrotullohet shumë rreth dukurive të përhapura të abuzimit seksual që duket se janë shumë të zakonshme në linjën e punës së Grace si një shërbëtore.
Në njërën nga skenat e episodit të dytë të “Alias Grace”, Grace Marks ngushëllon shoqen e saj më të mirë, Mary Whitney (Rebecca Liddiard), e cila ndjen dhimbje të jashtëzakonshme pas një aborti të paligjshëm.
Të dyja janë adoleshente dhe shërbëtore. Mary është braktisur nga një burrë i pasur që premtoi të martohej me të dhe tani dëshiron që ajo të vdesë vetë për t’i kursyer atij turpin.
“Grace, jam kaq e zemëruar”, i thotë Mary duke u dridhur. “Jam shumë e inatosur”. Për ta ngushëlluar, Grace i tregon një histori për rebelimin politik në Kanada, ku revolucionarët kërkojnë liri dhe pavarësi.
“Ata nuk e kanë akoma, por do ta kenë lirinë”, thotë ajo. “Sepse ne nuk kemi humbur. Ne thjesht nuk kemi fituar ende”!
/Iconstyle.al
