Të qëndruarit në karantinë ka edhe anët e mira pozitive dhe një ndër to është që nuk vendosim më make-up çdo ditë. Më në fund fytyra jonë po merr frymë dhe është duke na falenderuar.
Sipas dermatologes së njohur Nadia Kihiczak këto janë të mirat që i po i ndodhin fytyrës tonë tani që nuk po përdorim më make-up gjatë qëndrimit në karantinë:
Sipërfaqja e lëkurës suaj po balancohet
“Duke shmangur aplikimin e grimit, lëkura po kthehet në ekuilibrin e saj natyral dhe do të përfitoni njëtrajtshmërinë e lëkurës suaj pak nga pak”, është shprehur dermatologia.
Poret e lëkurës suaj nuk janë të bllokuara dhe dalja e akneve të reja është më e rrallë në këtë periudhë. Ka dhe nga ato raste kur ndalimi i tualetit ka ndikuar negativisht në fytyrë, por se çfarë duhet bërë në këto raste lexo këtu.
Ju nuk po e ekspozoni lëkurën tuaj ndaj baktereve
“Duke mos përdorur produktet kozmetike, ju nuk po e ekspozoni lëkurën tuaj delikate të fytyrës ndaj baktereve që janë prezente në furçat e aplikimit dhe paletat e kozmetikës që përdorni dita–ditës. Edhe nëse i lani furçat rregullisht, sërish disa baktere mund të mbeten në to”, ka theksuar Nadia Kihiczak.
Ju do të përfitoni më shumë elasticitet në fytyrë dhe kjo do të ndikojë në ngadalësimin e plakjes.
Do të marrin veten qerpikët tuaj dhe ata do të jenë më të plotë
Duke përdorur çdo ditë rimel, kjo gjë ndikon negativisht në qerpikët tuaj duke i dobësuar ata dhe detyrimisht shkaktohet rrallimi i tyre.
