Një ndër gjërat më pozitive e të qëndruarit në karanatinë është fakti që nuk nxitojmë më për t’u bërë gati apo të vendosim makeup në fytyrë. Më në fund fytyra po merr frymë lirshëm.
Fatkeqësisht ka dhe nga ato raste që mospërdorimi i makeup-it ka rezultuar negative, pasi fytyra është acaruar më tepër dhe janë shfaqur akne më shpesh se zakonisht.
Por çfarë të bëjmë në këto raste?
Nëse në lëkurën tuaj janë shfaqur më shumë akne se kur përdornit makeup, ju menjëherë do të mendoni që t’i ktheheni tualetit të përditshëm, por jo, nuk është kjo zgjidhja. Përdorimi i makeup-it nuk do ta ndihmojë gjendjen e fytyrës, por gjëja më e mirë që mund të bëni është t’i jepni lëkurës suaj një pushim nga të gjitha produktet që bllokojnë poret.
Dermatologët kanë dhënë disa këshilla se si të kemi një lëkurë të pastër në këtë periudhë dhe të shmangim aknet:
Mos harroni të lani fytyrën tuaj
Kjo është shumë e rëndësishme dhe një ndër gjërat më thelbësore. Edhe nëse ju nuk keni vendosur makeup, fytyra juaj ka nevojë që të lahet për të larguar papastëritë e mbledhura gjatë ditës ku në këtë mënyrë ju do të largoni edhe yndyrën e mbledhur.
Kini kudes se çfarë krem hidratuesi zgjidhni për lëkurën tuaj, pasi edhe ai mund të bllokjë poret e fytyrës, ku në këtë mënyrë do të shkaktojë edhe akne.
Këshillohet që të mos përdorni krema me kimikate dhe aromë, pra e thënë ndryshe kremra të parfumosur.
Edhe në kushte izolimi përdorni SPH
Një ndër të mirat e përdorimit të fondatinës është prezenca e fshehur e SPH-së. Në momentin që ju vendosni të mos përdorni makeup, fytyra juaj po humbet produktin e mbrojtjes së diellit gjithashtu. Pra, edhe nëse jeni të izoluar në shtëpi, përdorni SPH.
Gjithashtu sugjerohet një serum apo një një tonifikues ditor i lëngshëm me P50, pasi do të hidratojë fytyrën dhe balancon pH e lëkurës suaj.
Kushtoji rëndësi trupit dhe organizimit tuaj ndër të tjera
Në këtë periudhë ku jemi izoluar dhe dëgjojmë vetëm lajme në lidhje me pandeminë globale, niveli i stresit është shumë më i lartë se zakonisht dhe problemet me gjumin janë të shpeshta.
Keni dëgjuar për gjumin e bukurisë? Pra mundohuni që të plotësoni oraret tuaja ta gjumit dhe do ta kuptoni efektin që do të ketë në lëkurën tuaj gjithashtu.
Është e këshillueshme që të keni një dietë ushqimore sa më të pasur dhe të pini sa më shumë ujë. Nëse dëshironi që fytyra juaj të marrë frymë, atëherë mundohuni të qëndroni sa më shumë pozitivë.
