Cristiano Ronaldo është ndër futbollistët më të suksesshëm, i cili i është dedikuar tërësisht topit dhe fushës së gjelbërt.
Por nëse mendoni se të darkosh me të është një privilegj, gaboheni rëndë, pasi mund të jetë një ndër situatat më stresuese që do të përjetoni në jetë. Këtë e vërteton më së miri futbollisti Patrice Evra, i cili kujton mbrëmjen në të cilën Ronaldo e ftoi në shtëpi dhe gjërat nuk shkuan ashtu siç ai kishte planifikuar, shkruan “Marca”.
“Unë këshilloj këdo që ftohet për darkë nga Cristiano, të mos pranojë. Pas një seance stërvitore shkova në shtëpinë e tij. Isha i lodhur dhe doja të haja, por në tavolinë kishte vetëm sallatë, pulë dhe ujë. Asnjë pije freskuese. Mendova se më vonë do të nxirrte mish, por asgjë”, tregoi Evra.
Mesfushori francez kujton se u detyrua të linte ushqimin, pasi Cristiano e ftoi të bënin disa ushtrime me top.
“Më kërkoi ta lija ushqimin dhe të stërviteshim me top. Më pas notuan në pishinë, shkuam pranë xhakuzit dhe saunës. Nisa të mendoja se nuk më kishte ftuar si shok, por sepse kishim ndeshje të nesërmen. Ai është robot, vetëm te stërvitja e ka mendjen”, u shpreh mesfushori francez.
