Sot është dita e dytë e Gaz Pajës dhe Ira Seferit si burrë dhe grua dhe dasma e tyre madhështore që u mbajt në një nga hotelet me luksoze të Tiranës, ende ngjall interes.
Një ditë pasi i tha “po” Gazit në një ceremoni të këndshme që u mbajt në tarracën e Bashkisë së Tiranës, Ira gjeti pak kohë për t’u marrë me postimet në Instagram, ku na tregoi disa nga momentet më speciale që i humbëm të shtunën në mbrëmje.
Bëhet fjalë për kërcimin me Gazin, hedhjen e buqetës apo prerjen e tortës, gjatë së cilave ajo kishte veshur fustane të ndryshme që i rrinin perfekt.
Po le t’ju hedhim një sy 4 fustaneve të Irës që na mbetën fiksim:
Fustani i ceremonisë
Fustani i parë që veshi Ira në ceremoninë e martesës, që u mbajt nga kryebashkiaku Erion Veliaj, ishte ai klasiku i bardhë, i punuar me thurje në pjesën e bustit dhe tyl në pjesën e poshtme që e tregonte shumë lozonjare.
Fustani madhështor i hyrjes
Fustani i dyti ishte gjigant dhe i mrekullueshëm. I punuar nga stilisti Valdrin Sahiti, fustani ishte i gjithi me rruaza dhe gurë që shndërrinin dhe me një bisht të gjatë gati 3 metra që zinte thuajse të gjithë pistën e kërcimit. I guximshëm në pjesën e bustit dhe me mëngët e varura që e tregonin shumë tërheqëse.
Fustani i kërcimit
Fustani i tretë ishte po i bardhë, me mëngët e varura tyl dhe kurrizin e punuar. Fustani nuk ishte shumë i fryrë por kishte një prerje A dhe mjaft i lehtë për t’u menaxhuar dhe për të kërcyer.
Fustani i hedhjes së buqetës
Fustani i katërt ishte me lozonjar me frudat në të gjithë pjesën e poshtme. Ira e veshi atë gjatë momentit që preu tortën dhe kur hodhi buqetën e nuses te shoqet e saj beqare, ndërkohë që në sfond dëgjohej “Single ladies” e Beyonce-s.
/Iconstyle.al
