Nëse ende nuk ju ka rënë rasti të kaloni në rrugën e Elbasanit, tani keni një arsye për ta bërë!
Parku i njohur si “7 Xhuxhat” është transformuar tashmë dhe është hapur një kënd i ri lojërash për fëmijët që do t’ju kënaqë syrin.
Kryebashkiaku i Tiranës, Erion Veliaj ka publikuar fotot e këndit të lojërave, duke dhënë edhe lajmin se poshtë tij ka një parking për prindërit.
“Edhe një tjetër park lojërash i shtohet Tiranës tek Rruga e Elbasanit! “7 Xhuxhat” nga privat, kthehet në publik me parking poshtë për prindërit dhe lojëra përmbi për fëmijët. Përdorim i dyfishtë ekonomik për hapësirën e limituar publike!”, shkruan Veliaj.
Këndi i ri i lojërave ka hapësira të gjelbra dhe lojëra për të gjithë fëmijët që duan ta kalojnë ditët jashtë mureve të shtëpisë dhe ambienteve të mbyllura.
